Қорақалпоғистоннинг Нукус шаҳрида фуқарони ички ишлар тизимига ишга олиб киришни ваъда қилган шахс қўлга олинди, дея хабар қилмоқда «Gazeta.uz» Бош прокуратурага таяниб.
Қайд этилишича, фуқаро А.А. ноқонуний даромад орттириш мақсадида фуқаро А.К.нинг ишончига кириб, уни танишлари орқали ички ишлар органлари тизимига ишга жойлаштиришини айтади.
Бунинг эвазига эса 4500 АҚШ долларини олган вақтида ашёвий далил билан қўлга олинди.
Ҳолат юзасидан Жиноят кодексининг 168-моддаси 1-қисми (фирибгарлик), 28-моддаси (жиноят иштирокчиларининг турлари), 211-моддаси (пора бериш) билан жиноят иши қўзғатилган. Тергов ҳаракатлари давом этмоқда.
Бундан аввал Бухорода ҳужжатларни сохталаштириш орқали ер ажратиш эвазига деҳқондан пора олган шахс, Наманганда икки фуқарони Россияга қалбаки ҳужжатлар орқали юбормоқчи бўлган шахслар ҳамда Сурхондарёда жияни номига 4,5 сотих ерни аукционсиз ажратиб, уни 180 млн сўмга сотмоқчи бўлган туман қурилиш бўлими бошлиғи ушлангани ҳақида хабар берилганди.
Изоҳ (0)