«Реал» ҳимоячиси Даниэль Карвахаль Ла Лига 23-тури доирасидаги «Валенсия»га қарши кечган 14 февраль кунги ўйинда (2:0) жароҳат олди.
Мадридликлар матбуот хизматининг маълум қилишича, футболчининг ўнг оёғи болдир мушаклари шикастланган ва пай ҳам лат еган.
Marca хабарига кўра, испаниялик ўнг қанот қанот ҳимоячиси икки ой майдонга туша олмайди.
Эслатиб ўтамиз, Карвахаль 2 январда олган жароҳатидан тикланиб, эндигина сафга қайтганди.
Ушбу чизиқда тўп сурувчи яна бир ҳимоячи Альваро Одриосола ҳам жароҳат сабаб мадридликларга ёрдам беролмаяпти. Шунингдек, Серхио Рамос, Эдер Милитао, Марсело, Федерико Вальверде, Эден Азар ва Родриго Гоэс каби футболчилар «Реал» лазаретида бўлиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)