Microsoft асосчиси Билл Гейтс яқин беш йил ичида иқлим ўзгаришига қарши курашиш лойиҳаси учун 2 миллиард доллар инвестиция киритади. Бу ҳақда миллиардернинг Handelsblatt нашрига берган интервьюсига таяниб «Korrespondent.net» хабар берди.
Гейтснинг фикрига кўра, жаҳон саноати атом энергиясидан воз кечмаслиги керак, чунки қуёш ва шамол каби муқобил энергия манбалари глобал электр энергиясига бўлган эҳтиёжни қондириш учун етарли эмас. Шунингдек, Гейтснинг атмосферадан карбонат ангидрид газини фильтрлаб олиш технологиясидан умиди катта.
Глобал исиш ҳақида гапирар экан, Гейтс иқлимни тўлиб-тошган ваннахонага қиёслади.
«Жўмракни бутунлай ёпган тақдирда ҳам, у томчилайди ва бир кун келиб ванна тўлиб кетади», — деди у.
Аввалроқ Билл Гейтс инсоният учун энг катта хавф ҳақида гапирган эди. У 2015 йилдаёқ коронавирусга ўхшаган, нафас йўллари вируси келтириб чиқарадиган янги пандемия эҳтимоли ҳақида огоҳлантирган эди.
Изоҳ (0)