Кўп қизлар учун сахийлик асосий эркаклик фазилатларидан бири ҳисобланади. Юлдузлар орасида эса бундайлар талайгина. Улар, айниқса, даромадини хайрияга сарф этишда умуман аямайди.
Дэвид Бекҳэм
Машҳур футболчи 10 йилдан ортиқ вақт мобайнида хайрия ишлари билан шуғулланиб келмоқда. 2005 йилда у ЮНИСЕФ халқаро хайрия ташкилотига қўшилган ва 2015 йилда «7» фондини ташкил этган. Ташкилот зўравонлик қурбонлари ва оғир касалликларга чалинган болаларга ёрдам беради. Шунингдек, Бекҳэм яқинларига совға учун ҳам катта маблағ сарфлайди. Яқиндагина футболчи рафиқасининг бизнесига салкам 32 миллион доллар сармоя киритгани маълум бўлди. Бундан ташқари, у Викторияга қимматбаҳо совғалар ҳам тақдим этади. Оилавий байрамларнинг бирида Виктория турмуш ўртоғидан тимсоҳ терисидан ишлаб чиқарилган кўк олмосли, баҳоси 280 минг долларлик сумка олган.
Киану Ривз
Киану Голливуднинг жуда камтар актёрларидан бири сифатида танилган. У бир неча маротаба фильм муваффақияти учун гонорарнинг муҳим қисмидан воз кечган. Масалан, «Матрица» картинасида 80 миллион долларни ҳамкасбларига тарқатган ва яна бир сафар режиссёрга «Иблиснинг адвокати» фильмига Ал Пачинони таклиф қилиш учун пулининг бир қисмини берган. «Занжир реакцияси» фильмининг суратга олиш жараёнида актёр бир неча ҳафта давомида ижодий гуруҳ учун тушлик олиб берган. Ривз саратон касаллигини даволайдиган ва болалар шифохоналарига ёрдам берадиган хусусий фондга эга. Айнан шу ерда актёр катта пул сарф этади. Баъзи ҳамкасбларидан фарқли ўлароқ актёр яхши ишларни овоза қилмайди, фонд эса ҳаттоки унинг исмини ҳам айтмайди.
Жонни Депп
Машҳур актёр ҳам хайрия ишлари билан шуғулланади ва кўпинча турли хил фондларга маблағ ўтказади. Жоннининг ўзи буни реклама қилмаса-да, 2007 йил қизи даволанган Лондондаги Грэйт Ормонд Стрит шифохонасига 1,5 миллион доллар, аёллар ёрдам фондига эса 350 минг доллар хайрия қилганлиги маълум. Бундан ташқари, актёр инсонларга шахсан ёрдам ҳам беради. У автоҳалокатдан кейин комага тушган мухлисининг ота-онаси чақириғи билан келган ва унга қўлидан келганича ёрдам беришини ваъда берган. Айниқса, актёр хизмат кўрсатаётган ходимларни рағбатлантиришдан чарчамайди, у 4000 минг доллар миқдорида чойчақа пулини берган вақти ҳам бўлган
Дрейк
2018 йил God’s Plan мусиқий клипини суратга олиш вақтида Дрейк тасодифий одамларга деярли миллион доллар ажратди. Ушбу акция давомида у Майамидан ўтиб кетаётганларга нақд пул тақдим этди ва шу билан бирга университетда ўқиш учун тўлов пулига чек ёзди, супермаркетларга ташриф буюрувчиларнинг барча харидлари учун пул тўлади. Болалар уйидагиларга совғалар, янги автомобилларнинг бир нечта калитини топширди. Мактаб ва ўт ўчирувчи бўлимларга хайрия қилди. Дрейк ўзининг хайрия импулсини ҳаётидаги энг муҳим нарса деб атайди.
Жорж Лукас
«Юлдузлар жанги» фильми режиссёри ҳам таълим ташкилотларига хайрия қилишда маблағини аямайди. Унинг фикрига кўра, таълим инсоният омон қолишининг калитидир. 1991 йилда у ўзининг фондида Edutopia дастурини очди ва 2006 йилда ўзи ўқиган Жанубий Калифорния университетига 175 миллион доллар хайрия қилди. Жорж 2012 йилда ўз компанияси Lucasфильм’ни Disney’га сотганидан сўнг, битимдан тушган пулнинг, тахминан, 4 миллиард долларини хайрия ишлари учун сарфлаган. Жорж бор маблағини Stand Up to Cancer ва Make A Wish Foundation фондига ўтказган.
Марк Цукерберг
26 ёшида Facebook асосчисига айланган Марк узоқ вақтдан бери хайр-эҳсон ишлари билан шуғулланиб келади. У Эбола вирусининг тарқалишини назорат қилиш марказига 25 миллион доллар ўтказган. Марк «Ньюарк» мактаб тизими учун 100 миллион доллар ажратган. Шунингдек, Сан-Франциско касалхонасига ўтказган 75 миллион маблағ учун муассаса биноларидан бирига унинг номи берилган. Бироқ Марк 2015 йилда қизи туғилганидан кейин хайрия ишларини янада кўпроқ амалга оширди. У Facebook акцияларидан тушган маблағларнинг 99 фоизини хайрия ишларига сарфлашга ваъда берган. Ўша вақтда компания 45 миллиард долларга баҳоланган эди. Бундан ташқари, у рафиқаси билан Chan Zuckerberg Initiative ташаббусига асос солган бўлиб, у фаолияти давомида турли илмий лойиҳаларга, тахминан, 1,8 миллиард доллар сарфлаган.
Леонардо Ди Каприо
Лео юқоридагилардан фарқли ўлароқ ёввойи табиатни муҳофаза қилишга кўп пул сарфлайди. 1998 йил актёр ушбу муаммо билан шуғулланадиган Leonardo Di Kaprio Foundation номидаги фондни ташкил этган. 2014 йилдан буён актёр БМТнинг тинчлик бўйича элчиси ҳам саналади. Бундан ташқари, у Бутунжаҳон ёввойи табиатни муҳофаза қилиш фондига 3 миллион доллар хайрия қилди. Яқинда Гренландияда қор тўпланишини кузатувчи махсус станция яратиш ва ўрнатиш учун 15 миллион доллар ажратди. Лео совға борасида аёлларни ҳам унутмайди. 70 минг евро эвазига Италияда таътил ёки экологик Toyota Prius актёрга муаммо эмас.
Jay-Z
Jay-Z дизайнерлик буюмлари савдоси туфайли ўз жамғармаси учун 1 миллион доллар йиғишга муваффақ бўлди ва йил бошида рафиқаси Бейонсе билан биргаликда ўзининг веган мухлисларига концерт учун умрбод чипталарни сюрприз қилишга қарор қилди. Айтганча, рэпер рафиқасига ҳам тез-тез қимматбаҳо совғалар тақдим этади. 350 минг долларлик сумка, 4 миллион долларлик орол ва 18 қиротли олмос рэперга 5 миллион долларга тушган.
Изоҳ (0)