Баъзан парҳезга қаттиқ амал қилинса ҳам вазн камаймайди, аксинча янада ортади. Бунга кўп миқдорда крахмал ва углеводларни ўз ичига олган сабзавотлар сабаб бўлиши мумкин. Овқат ҳазм қилиш ферментлари таъсирида крахмал ширинликларда бўлгани каби организмда шакарга ажралади. Крахмалли сабзавотлар очлик ҳиссининг кучайишига сабаб бўлади. Натижада сиз кўпроқ овқатланасиз, вазн ташлаш жараёни эса секинлашади.
Гарвард жамоат саломатлиги мактаби томонидан 13 минг нафар иштирокчи қатнашган 20 йиллик тадқиқот давомида олимлар сабзавотларнинг айрим турлари ва вазн ортиши ўртасидаги боғлиқликни аниқлашди. Крахмалли таомларни истеъмол қилганлар кўкатларни афзал кўрганлардан фарқли равишда кўпроқ вазн йиғган. Демак, парҳезда бўлганингизда рационингиздан нимани чиқариб ташлашингиз кераклиги ҳақида тўхталамиз.
Картошка
Маккажўхори
Ловия
Нўхат
Ушбу озиқ-овқат маҳсулотларида кўплаб витамин ва минераллар мавжуд, шунинг учун уларни узоқ муддат истеъмол қилмаслик мақсадга мувофиқ эмас. Аммо парҳез давомида маълум вақт улардан фойдаланишни чеклаган маъқул. Ушбу сабзавотларни брокколи, булғори қалампири, сабзи, қовоқ билан алмаштиришга ҳаракат қилинг — улар таркибида жуда кўп миқдордаги клетчатка ва сув мавжуд, бу эса вазн ташлашда яхши самара беради.
Изоҳ (0)