Кундалик турмушда кўпроқ суюқлик ичиш зарурлиги тўғрисидаги доимий эслатмалар ҳаётда мустаҳкам ўрин эгаллаган. Аммо бу борада ҳам бир қанча истисно ҳолатлар мавжуд.
Илмий нуқтаи назардан қаралганда, ортиқча сув гипонатриeмия ҳолатига олиб келиши мумкин. Бу қонда натрий даражасининг хавфли тарзда пасайиши билан тавсифланади. Натрий танада ташувчилик вазифасини бажаради ва сувнинг танада тарқалишини бошқаради. Шунинг учун ҳам сув миқдорини кузатиб бориш ва аломатларга бепарво бўлмаслик жуда муҳим.
Кўп пешоб чиқариш ҳам биринчи навбатда суюқликнинг ортиқча эканлигидан дарак беради. Мутахассислар натрий миқдорининг озроқ пасайиши аниқ симптомларни келтириб чиқармайди, балки вақт ўтиши билан танага таъсир қилишини таъкидлайди. Қоринда шиш, кўнгил айниши, уйқучанлик, тартибсизлик ва бош оғриғи – буларнинг барчаси суюқлик миқдорининг ортиқчалигидан далолат беради. Агар тана ортиқча сувдан халос бўлмаса, ҳужайралар шишиши натижасида бош оғриғи кузатилади.
Мутахассисларнинг фикрига кўра, соғлом одам учун кунига бир килограмм вазнга 30 миллилитр сув керак. Вазни 60 килограмм бўлган одам кунига, тахминан, 2 литр сув ичиши керак. Кунига маълум миқдорда стакан сув ичиш суюқлик мувозанатини бошқаришга ва мукаммал формулага келишга ёрдам беради.
Шу билан бирга, суюқлик танага нафақат сувдан, балки бошқа маҳсулотлардан ҳам киришини унутмаслик керак. Сўнгги маълумотларга кўра, суюқликнинг 20 фоизи оддий сув эмас. Йил фаслларининг ўзгариши, об-ҳаво шароити, иқлим ва ҳатто турмуш тарзи ҳам сув даражасига таъсир қилади. Узоқ муддатли машқдан сўнг суюқлик йўқотилишини қоплаш керак, чунки суюқлик вазн йўқотишда муҳим рол ўйнайди.
Изоҳ (0)