Тошкент шаҳар Фавқулодда вазиятлар бошқармаси бошлиғи этиб генерал майор Ҳайдаров Равшан Ҳайдарович тайинланди. Бу ҳақда ФВВ матбуот хизмати хабар берди.
Ушбу лавозимда у 2019 йилнинг март ойидан буён Фавқулодда вазиятлар бошқармаси бошлиғи бўлган Мухтор Муҳитдинов ўрнини эгаллади.
Тайинловга қадар Равшан Ҳайдаров ФВВ академияси ҳузуридаги Фуқаро муҳофазаси институти бошлиғи лавозимида фаолият юритган.
Равшан Ҳайдаров турли йилларда Тошкент шаҳар ИИББ ва Тошкент вилояти ИИБ, ФВВ, Давлат солиқ қўмитаси ва Сирдарё вилоятига раҳбарлик қилган.
Иккинчи даражали «Шон-шараф» ордени билан мукофотланган.
Аввалроқ Дилшод Кенжаев Президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимига, Абдуманноп Тўлаганов Президентнинг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси ўринбосари лавозимига тайинлангани ҳақида хабар берилган эди.
Изоҳ (0)