Ҳиндистонда музлик кўчиши оқибатида ҳалок бўлганлар сони 19 нафарга етди. Бу ҳақда Чамоли округи полицияси Twitter’да маълум қилди.
«Бугунги кунга келиб, кечаги фавқулодда вазият натижасида 202 га яқин одам бедарак йўқолган, 19 кишининг жасади турли жойлардан олиб чиқилган. Ушбу қайғули соатларда маъмурият сиз билан. Илтимос, ҳамкорликни давом эттиринг. Қутқарув ишлари қизғин давом этмоқда», — дейилади хабарда.
Вазирликнинг қўшимча қилишича, йўқолганларни қидириш давом этмоқда, қидирув тунда ҳам тўхтатилмаган. Йўқолганларнинг аксарияти ишчилар, деб қайд этмоқда «kp.ru» сайти.
Ҳодиса Уттараханд штатида 7 февралда юз берган. Нандадев тоғидан музли массалар кўчиб, Ҳимолай тоғлари этагидаги Дҳаулиганг ва Алакнанда дарёлари ўзани орқали пастга ҳаракатланган ва тошқинларни келтириб чиқарди.
Натижада, ишчилар билан бирга ювилиб кетган ва табиий офатнинг энг кучли зарбасини олган Риши Ганга ГЭСи бутунлай вайрон бўлди, дея маълум қилди «360» телеканали. Бундан ташқари, дарёнинг қуйи қисмида учта кўприк ва турар-жой бинолари вайрон бўлган. Расмийлар бир нечта қишлоқ аҳолисини эвакуация қилмоқда.
Риши Ганга ГЭСида ишлаган бир неча ишчи бедарак йўқолган. Уттараханд бош котиби Ом Пракашнинг айтишича, Чамоли округидаги тошқинда 100 нафардан 150 нафаргача киши ҳалок бўлган бўлиши мумкин.
Изоҳ (0)