Футбол бўйича Франция чемпионатининг 24-турида ПСЖ 7 февраль, якшанба куни «Марсель»га қарши сафар ўйинида иштирок этди.
Учрашувнинг 9-дақиқасидаёқ Килиан Мбаппе парижликларни олдинга олиб чиққан бўлса, 24-дақиқада Мауро Икарди жамоасининг иккинчи голини урди. Қолган вақтда ҳисоб ўзгармади.
Учрашув якунланиши арафасида майдон эгалари ярим ҳимоячиси Димитри Пайет тўғридан-тўғри қизил карточка олиб майдонни тарк этди.
Ушбу ғалабадан кейин ПСЖнинг очколари 51 тага етди ва жамоа 3-ўринда бормоқда. Маурисио Почеттино шогирдлари пешқадам «Лилль»дан 3 очко ортда қолмоқда.
ПСЖ кейинги турда «Ницца»ни қабул қилади, «Марсель» эса «Бордо» майдонида меҳмон бўлади.
Лига 1
24-тур баҳси
7 февраль, якшанба
«Марсель – ПСЖ 0:2
Голлар: 0:1 – 9 Мбаппе, 0:2 – 24 Икарди.«Марсель»: Манданда, Нагатомо (Лирола, 56), Сакаи, Альваро Гонсалес (Перрен, 78), Камара, Товен (Луис Энрике, 78), Ронжье (Кюизанс, 88), Пайет, Гуйе, Чалета-Цар, Жермен (Бенедетто, 56).
ПСЖ: Рико, Кимпембе, Флоренци (Керер, 88), Курзава, Маркиньос, Верратти, Гуйе, Паредес (Данилу Перейра, 66), Ди Мария (Сарабия, 11; Кин, 88), Мбаппе, Икарди (Неймар, 65).
Огоҳлантиришлар: Паредес (45), Гуйе (49), Икарди (53).
Четлатиш: Пайет (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)