Футбол бўйича Англия Премьер Лигасининг 23-турида «Челси» 7 февраль, якшанба куни «Шеффилд Юнайтед» майдонига сафар қилди.
Учрашувнинг 43-дақиқасида Мэйсон Маунт лондонликларни олдинга олиб чиқди. Иккинчи бўлим бошида Антонио Рюдигер ўз дарвозасини ишғол қилиб қўйди ва ҳисоб тенглашди.
58-дақиқада Жоржиньо мезбонлар дарвозаси томон белгиланган пенальтини муваффақиятли ижро этиб, «Челси»нинг ғалабасини таъминлади.
Ушбу ғалабадан кейин «Челси» очколарини 39 тага етказиб олди ва 5-ўринга кўтарилди. «Шеффилд Юнайтед» (11) эса сўнгги поғонада бормоқда.
«Челси» кейинги турда «Ньюкасл»ни меҳмон қилади, «Шеффилд» эса «Вест Ҳэм» уйига боради.
АПЛ
23-тур баҳси
7 февраль, якшанба
«Шеффилд Юнайтед» — «Челси» 1:2
Голлар: 0:1 – 43 Маунт, 1:1 – 54, автогол Рюдигер, 1:2 – 58, пенальти Жоржино.«Шеффилд Юнайтед»: Рэмсдейл, Богл, Башем, Брайан (Шарп, 68), Лоу, Норвуд (Брюстер, 86), Ландстрём, Берк (Макголдрик, 62), Флек, Иган, Макберни.
«Челси»: Менди, Чилуэлл (Алонсо, 62), Рюдигер, Аспиликуэта, Жеймс, Жоржиньо, Ковачич, Маунт, Кристенсен, Вернер (Канте, 75), Жиру (Ҳадсон-Одои, 62).
Огоҳлантириш: Башем (17).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)