Футбол бўйича Англия Премьер Лигасининг 23-турида «Ливерпуль» ва «Манчестер Сити» жамоалари 7 февраль, якшанба куни ўзаро баҳс юритди.
Учрашувнинг биринчи бўлимида ҳисоб очилмади. 37-дақиқада «шаҳарликлар» олдинга ўтиб олиши мумкин эди, бироқ Илкай Гундўған пенальтидан унумли фойдалана олмади.
Иккинчи бўлим дебютида Гундўған меҳмонларни олдинга олиб чиқди. 63-дақиқада Муҳаммад Салоҳ ўзи ишлаб олган пенальтини голга айлантирди. Орадан кўп ўтмай «Ливерпуль» дарвозабони Алиссон Беккернинг кетма-кет хатолари иккита голга олиб келди. 73-дақиқада Гундўған дублни расмийлаштирган бўлса, орадан уч дақиқа ўтиб Раҳим Стерлинг жамоасининг учинчи голини урди.
83-дақиқада Фил Фоден қанотдан жарима майдонига ёриб кирган ҳолда дарвозани аниқ нишонга олди ва ўйинга чиройли нуқтани қўйди.
Шу тариқа ушбу ғалабадан кейин «Манчестер Сити» очколарини 50 тага етказиб олди ва якка пешқадамликда давом этмоқда. Битта захира ўйинига эга Пеп Гвардиола шогирдлари энг яқин таъқибчи «Манчестер Юнайтед»ни 5 очкога ортда қолдирмоқда. «Ливерпуль» эса 40 очко билан тўртинчи поғонада қолди.
АПЛ
23-тур баҳслари
7 февраль, якшанба
«Ливерпуль» — «Манчестер Сити» 1:4
Голлар: 0:1 – 49 Гундўған, 1:1 – 63, пенальти Салоҳ, 1:2 – 73 Гундўған, 1:3 – 76 Стерлинг, 1:4 – 83 Фоден.«Ливерпуль»: Алиссон, Фабиньо, Александер-Арнольд, Робертсон (Цимикас, 85), Жонс (Милнер, 68), Тиаго Алькантара (Шакири, 68), Салоҳ, Вейналдум, Мане, Ҳендерсон, Фирмино.
«Манчестер Сити»: Эдерсон, Стоунз, Рубен Диаш, Жоау Канселу, Зинченко, Фоден, Гундўған, Стерлинг, Родри, Маҳрез (Габриэль Жезус, 72), Бернарду Сильва.
Огоҳлантиришлар: Тиаго Алькантара (3), Рубен Диаш (62), Фабиньо (70).
«Вулверҳэмптон» — «Лестер» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)