АПЛ. «Тоттенҳэм» Ҳарри Кейн ва Сон Ҳён Миннинг голлари эвазига ғалаба қозонди
Футбол бўйича Англия чемпионатининг 23-турида «Тоттенҳэм» 7 февраль, якшанба куни «Вест Бромвич»ни қабул қилди.
Учрашувнинг биринчи бўлимида ҳисоб очилмади, иккинчи бўлим дебютида лондонликлар рақиб дарвозасини икки бор ишғол қилди. 54-дақиқада Ҳарри Кейн жарима майдонига узатилган тўпни дарвозага жойлаб қўйди. Орадан кўп ўтмай Сон Ҳён Мин жамоасининг қарши ҳужумини муваффақиятли якунлади.
Ушбу ғалабадан кейин очколарини 36 тага етказиб олган «шпорлар» 7-ўринга кўтарилди. «Вест Бромвич» (12) эса 19-поғонада бормоқда.
АПЛ
23-тур баҳси
7 февраль, якшанба
«Тоттенҳэм» — «Вест Бромвич» 2:0
Голлар: 1:0 – 54 Кейн, 2:0 – 58 Сон Ҳён Мин.«Тоттенҳэм»: Льорис, Дэвис, Санчес, Алдервейрелд, Орье (Доэрти, 68), Ндомбеле, Ҳёйбьерг, Лукас Моура, Ламела (Бергвейн, 74), Сон Ҳён Мин (Скарлетт, 90), Кейн.
«Вест Бромвич»: Жонстон, Ажайи, Бартли, Таунсенд, Мэйтленд-Найлз, Галлаҳер, Снодграсс (Матеус Перейра, 80), Соерс (Ёкушлу, 78), Пелтер, Диан, Грант (Филлипс, 69).
Огоҳлантиришлар: Ламела (64), Снодграсс (77).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
