Интернетда Apple наушникларининг янги версиясига оид тасвирлари пайдо бўлди — гаджет янгича дизайнга эга бўлади, деб ёзади Hi-Tech.Mail.ru.
Apple AirPods Pro наушниклари ҳам ўзидан олдинги версия каби ички канал «насадка»лари ва фаол шовқинсўндиргичларга эга, бироқ уларнинг ташқи кўриниши ўзгарган.
Хусусан, наушник «оёқчаси» сезиларли даражада калта бўлади, эълон қилинган суратда у умуман йўқдек тасаввур уйғотади. Наушникларнинг ўзи эса анча юмалоқлашади ва шу орқали ташқи кўриниши билан Samsung Galaxy Buds ёки Google Pixal Buds’га ўхшаб кетади.
Кейснинг шакли эса катта ўзгаришга учрамайди, бироқ у анча кичик ва енгил бўлади. Шундай экан, уни ҳамёнда олиб юриш қулайлашади.
Миш-мишларга кўра, Apple AirPods Pro 2’ни икки хил ўлчамда тақдим этади — стандарт ва катта. Нархи тўғрисида ҳозирча ҳеч қандай маълумотлар берилмаган.
Аввалроқ Apple компанияси ўзининг биринчи тўлиқ ўлчамли наушниги — AirPods Мах’ни тақдим этган эди.
Изоҳ (0)