Futbol bo‘yicha Angliya Premyer Ligasining 23-turida “Chelsi” 7-fevral, yakshanba kuni “Sheffild Yunayted” maydoniga safar qildi.
Uchrashuvning 43-daqiqasida Meyson Maunt londonliklarni oldinga olib chiqdi. Ikkinchi bo‘lim boshida Antonio Ryudiger o‘z darvozasini ishg‘ol qilib qo‘ydi va hisob tenglashdi.
58-daqiqada Jorjinyo mezbonlar darvozasi tomon belgilangan penaltini muvaffaqiyatli ijro etib, “Chelsi”ning g‘alabasini ta’minladi.
Ushbu g‘alabadan keyin “Chelsi” ochkolarini 39 taga yetkazib oldi va 5-o‘ringa ko‘tarildi. “Sheffild Yunayted” (11) esa so‘nggi pog‘onada bormoqda.
“Chelsi” keyingi turda “Nyukasl”ni mehmon qiladi, “Sheffild” esa “Vest Hem” uyiga boradi.
APL
23-tur bahsi
7-fevral, yakshanba
“Sheffild Yunayted” — “Chelsi” 1:2
Gollar: 0:1 – 43 Maunt, 1:1 – 54, avtogol Ryudiger, 1:2 – 58, penalti Jorjino.“Sheffild Yunayted”: Remsdeyl, Bogl, Bashem, Brayan (Sharp, 68), Lou, Norvud (Bryuster, 86), Landstryom, Berk (Makgoldrik, 62), Flek, Igan, Makberni.
“Chelsi”: Mendi, Chiluell (Alonso, 62), Ryudiger, Aspilikueta, Jeyms, Jorjinyo, Kovachich, Maunt, Kristensen, Verner (Kante, 75), Jiru (Hadson-Odoi, 62).
Ogohlantirish: Bashem (17).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)