Бугун,

  • USD 11095.31
  • RUB 173.84
  • EUR 10772.44

Бухорода мактабни таъмирлаш учун ажратилган маблағларнинг 84 миллион сўмини талон-торож қилган фирма раҳбарига нисбатан жиноят иши қўзғатилди. Бу ҳақда Бош прокуратура «Дарё»га маълум қилди.

Бош прокуратура ҳузуридаги Департаментнинг Пешку туман бўлими томонидан терговга қадар текширув ўтказилган. Текширув давомида 2020 йил манзилли дастурига киритилган 28-сонли умумий ўрта таълим мактабида «Б.» МЧЖ томонидан амалга оширилган қурилиш-монтаж ишлари ўрганилган.

Маълум бўлишича, фирма раҳбарлари томонидан тузилган далолатномада кўрсатилган, ҳар бири 210 минг сўм турадиган 496 дона LED LZN Megalux электр чироқлари ўрнига, донаси 40,6 минг сўм турадиган LED 6500 К JA чироқлари ўрнатилган. Бу орқали фирма 84 миллион сўм миқдоридаги бюджет маблағларини ўзлаштириш йўли билан талон-торож қилган.

Мазкур ҳолат юзасидан МЧЖ раҳбари О.Б.га нисбатан Жиноят кодексининг 167-моддаси (ўзлаштириш ёки растрата йўли билан талон-торож қилиш) 2-қисми ва 228-моддаси билан жиноят иши қўзғатилиб, тергов ҳаракатлари ўтказилмоқда.

Аввалроқ Самарқандда мактаб қурган фирманинг раҳбарлари 631,7 миллион сўм маблағни талон-торож қилгани, Бухорода эса қабристонни ободонлаштиришга сарфланиши лозим бўлган пуллар талон-торож қилингани юзасидан прокуратура ҳолатни ўрганишни бошлагани тўғрисида хабар берилганди.

Изоҳ
Асосий янгиликлар
Маҳаллий
Ўзбекистон ва Қирғизистон фуқаролари икки давлатга ID карта орқали ўтиши мумкин бўлади
Маҳаллий
Ҳокимият ходимларини овқатлантиришга 1,3 миллиард сўм, талабалар учун Дубайга саёҳат, “тушунмасдан” лотни ютиб қўйган тадбиркор — 27 январдаги қизиқарли тендерлар ...
Дунё
Сайфулло Соипов 2017 йил Нью-Йоркда юз берган терактда айбдор деб топилди. У ўлимга ҳукм қилиниши мумкин