Покистоннинг Панжоб вилояти губернатори Муҳаммад Сарвар бошчилигидаги делегация бортида бўлган самолёт Наманган халқаро аэропортига қўнди. Бу ҳақда «Дарё» мухбири Азизбек Абдувалиев хабар бермоқда.
Ҳаво кемаси Панжобдан тўғридан-тўғри Наманганга парвоз қилгани айтилмоқда. Аэропортда мартабали меҳмонни вилоят ҳокимининг биринчи ўринбосари Толибжон Юсупов кутиб олди.
Делегация меҳмонхонага жойлашганидан сўнг Наманган шаҳридаги «Афсоналар водийси» боғи билан таништирилди.
Ташриф дастурининг асосий қисми 6 февраль кунидан бошланади: Наманган вилояти ҳокими Шавкатжон Абдураззоқов ва Панжоб вилояти губернатори Муҳаммад Сарвар ўртасида музокаралар ўтказилиши, музокара якунида «Биродар ҳудудлар» келишувининг имзоланиши кутилмоқда.
Покистон делегацияси уч кун давомида Наманганда бўлади, шундан сўнг Самарқанд ҳамда Бухорога йўл олади.
Изоҳ (0)