Рэпер Lil Uzi Vert ростан ҳам 24 млн долларли бриллиантни пешонасига қўйдирди. Уни аниме ва комикс қаҳрамонларига ўхшатишмоқда (фото)

Америкалик рэпер Lil Uzi Vert (ҳақиқий исми Саймир Вудс) пешонасига операция йўли билан 24 миллион долларлик пушти бриллиантни муваффақиятли имплантация қилди, деб хабар беради Esquire.

Операцияни заргар Эллиот Эллианте амалга оширган.

«Гўзаллик — бу оғриқ», — деб ёзади рэпер ўзининг Instagram’даги саҳифасига. Аввалроқ у ушбу қимматбаҳо тошни сотиб олиш учун 2017 йилдан буён пул тўлаб келганини маълум қилганди.

https://www.instagram.com/p/CK1m6lsprQy/

Ижтимоий тармоқларда Lil Uzi Vert’нинг ушбу ҳаракати турли муҳокамаларга сабаб бўлмоқда: мухлисларнинг бир қисми унинг бу каби журъатидан ҳайратга тушган бўлса, айримлар буни аҳмоқона деб атамоқда. Мусиқачининг янгича кўриниши япон аниме-сериаллари қаҳрамонлари ва Marvel кинооламидаги Вижнга қиёсланмоқда.

https://twitter.com/cloutvis/status/1356825969177333763

https://twitter.com/woahgio_/status/1356762937030045701

Аввалроқ америкалик эркак 75 минг доллар эвазига оёқларини узайтиргани тўғрисида хабар берилганди.