Ўзжан Денизнинг суди бўлди, «Элчининг қизи»га янги актёр қўшилди, турмушга чиқмай фарзанд кўришни истаган актриса. Турк киноси янгиликлари (фото)

Турк киноси оламида рўй бераётган актёр ва актрисалар билан боғлиқ янгиликларни эътиборингизга ҳавола этамиз.

Буржу Озберк турмушга чиқишга шошилмаяпти, аммо она бўлишга тайёр. Актриса бунинг тиббий томондан ечими борлиги ҳақида ўйлаётганини тан олди. «Афсуски, биз аёллар биологик нуқтаи назардан бирозгина омадсизмиз ва маълум ёшдан кейин фарзанд кўриш имконияти камаяди. Мен 31 ёшдаман ва ҳозирча турмуш қуриш ниятим йўқ. Аммо, боламни отасиз ҳам дунёга келтиришим мумкин»,  − дейди Буржу.

Жем Йилмаз офисидан чиқаётганида журналистлар қуршовида қолди. Комик актёр кула: «У келади, Жем Йилмаз келади!» дея такрорлаган. Аммо журналистлар томонидан берилган барча саволларни жавобсиз қолдирган.

Фаҳрие Эвжен ўзининг янги сурати билан бўлишди. Демак, томошабинларни янги лойиҳа кутаётгани аниқ. Хабарларга кўра, актриса таниқли продюсерлик компанияси билан ёз ойларида суратга олинадиган сериал учун шартнома имзолаган. Сериал 10 қисмдан иборат бўлиб, бунинг учун актрисага 130 минг турк лираси тўланади. Бу эса тахминан 18 254 долларни ташкил этади.

Жан Яман италиялик севгилиси Дилетта Леотта билан тушган суратини бўлишди ва «Хавфли жуфтлик» дея изоҳ қолдирди.

Серкан Чайўғлунинг «Бир замонлар Кипрда» сериалидаги янги образи.

Ўзжан Дениз ва Фейза Актаннинг фарзанди масаласи бўйича биринчи суд мажлиси бўлиб ўтди. Унда Фейза журналистларга ўз ҳуқуқларини охиригача ҳимоя қилишини маълум қилган. Жараён ёпиқ тарзда ўтказилган. Кичкина Кузей ким билан қолиши ҳозирча номаълум.

«Элчининг қизи» сериалида актёрлар таркиби яна биттага кўпайди. Актёр Ферит Актуг лойиҳага қўшилди.

Бариш Ардуч журналистларнинг саволларига жавоб бериш жараёнида ўз роли ва янги лойиҳадан таъсирланганини айтиб ўтди. Маълумотларга кўра, актёр Netflix платформаси учун «Клуб» сериалида суратга тушишни бошлаган. Лойиҳада актёр Исмет исмли такси ҳайдовчиси образида намоён бўлади. Шунингдек, Бариш Гупсе Озай билан бахтли турмуши ва ота-она бўлиш ниятида эканлигини, аммо ҳар нарсанинг ўз вақти борлигини ҳам қўшимча қилган.

Ситаре Акбаш «Рамо» сериалининг актёрлар таркибига қўшилди.

Ўзге Гурел 2021 йил 5 февраль куни 34 ёшни қаршилайди. Актриса мухлисларидан саратон билан касалланган беморларга ёрдам бериш учун хайрия маблағ ажратишни сўраган.

Somera ижтимоий рейтинг агентлиги маълумотларига кўра, энг кўп муҳокама қилинган қаҳрамон ва жуфтликлар.