АПЛда январь ойида амалга оширилган тарихдаги энг яхши трансферлар аниқланди

BBC нашри ўз талқинига кўра футбол бўйича Англия Премьер Лигаси клублари томонидан январь ойида амалга оширилган энг яхши трансферларни аниқлади.

Овоз бериш жараёнида Бруну Фернандеш, Неманя Видич, Патрис Эвра (ҳаммаси — «Манчестер Юнайтед»), Луис Суарес, Виржил ван Дейк, Филиппе Коутиньо (ҳаммаси — «Ливерпуль»), Пьер-Эмерик Обамеянг («Арсенал») каби футболчилар номзоди иштирок этди.

Овоз бериш якунига кўра Бруну Фернандеш трансфери 31 фоиз овоз олди ва АПЛ тарихида январда амалга оширилган энг яхши трансфер деб топилди. Эслатиб ўтамиз, «Манчестер Юнайтед» 2020 йил январида Брунуни 47 миллион фунт эвазига «Спортинг»дан сотиб олганди.

Кейинги ўринларни эса Виржил ван Дейк (26 фоиз), Неманя Видич (15 фоиз) ва Луис Суарес (13 фоиз) эгаллади.

Рўйхатдаги футболчилар қачон ва қаердан қайси клубга ўтган?

• Неманя Видич: 2006 йил «Спартак М»дан «Манчестер Юнайтед»га 7 миллион фунт эвазига.
• Патрис Эвра: 2006 йил «Монако»дан «Манчесте Юнайтед»га 5,5 миллион фунт эвазига.
• Луис Суарес: 2011 йил «Аякс»дан «Ливерпуль»га 22,7 миллион фунт эвазига.
• Филиппе Коутиньо: 2013 йил «Интер М»дан «Ливерпуль»га 8,5 миллион фунт эвазига.
• Виржил ван Дейк: 2018 йил «Саутҳэмптон»дан «Ливерпуль»га 75 миллион фунт эвазига.
• Пьер-Эмерик Обамеянг: 2018 йил «Боруссия Д»дан «Арсенал»га 56 миллион фунт эвазига.