Бокс бўйича оғир вазн тоифасида собиқ Жаҳон чемпиони Майк Тайсон (50-6, 44 КО) ушбу вазн тоифасида амалдаги WBC камари соҳиби Тайсон Фьюри ва WBA, IBF, WBO ҳамда IBO камарлари соҳиби Энтони Жошуа ўртасидаги жанг борасидаги фикрлари билан ўртоқлашди.
Тайсоннинг сўзларига кўра Жошуанинг мағлубиятига олиб келиши мумкин бўлган заиф томони бор.
«Бу жуда қизиқарли жанг бўлади. Жошуа жуда яхши панчер (жанг вақтида ўртача масофани сақлаган ҳолда рақибини техника ва зарба кучи билан нокаут қилишга йўналтирилган услуб), аммо унинг зарбаларини кузатиш мумкин. У қандай зарба бермоқчи эканини олдиндан кўрсатиб қўяётганга ўхшайди. Фьюри каби улкан йигит билан жангда эса бу Жошуа учун ҳалокатга айланиши мумкин», — дейди Тайсон.
Шунингдек, Майк Тайсон ҳозирги оғир вазн дивизионни кучсиз деб ҳисоблайдиганларнинг фикрига қўшилмаслигини билдирди.
«Дивизионда кўплаб ажойиб боксчилар йиғилган. Дивизионни ёмон деётганлар шунчаки ҳасад қилмоқда», — деди у.
Аввалроқ Жошуа ва Фьюри ўртасида чемпионлик жанги ўтказилиши WBO ташкилоти томонидан маъқуллангани хабар қилинганди.
Мавзуга доир: Тайсон Фьюри ва Энтони Жошуа ўзаро жангдан қанча миқдорда пул ишлаб олиши маълум бўлди
Изоҳ (0)