Футбол бўйича Англия Премьер Лигаси 22-туридан ўрин олган бешта учрашув 3 февраль, чоршанба куни бўлиб ўтди.
«Манчестер Сити» жамоаси сафарда «Бёрнли» меҳмони бўлиб Габи Жезус ҳамда Раҳим Стерлингнинг биринчи бўлим урган голлари эвазига ғалабани қўлга киритди. Ушбу ғалабадан сўнг Гвардиола жамоасининг очколари сони 47 тага етди. «Шаҳарликлар» захирасида битта ўйин бор ва жамоа мусобақа жадвалида иккинчи ўринда бораётган ҳамшаҳари «Манчестер Юнайтед»ни 3 очкога ортда қолдирган ҳолда якка пешқадам бўлиб турибди.
Амалдаги чемпион «Ливерпуль» ўз уйида «Брайтон»ни қабул қилди. Ўйин тақдирини иккинчи бўлимнинг 56-дақиқасида Стивен Алсате томонидан киритилган ягона гол ҳал этди. Натижада Юрген Клопп шогирдлари яна «Энфилд»да мағлубият аламини тотиб кўришга мажбур бўлди. Мерсисайд клуби ҳисобида айни дамда 40 очко бор ва жамоа мусоабақа жадвалида 4-ўринда бормоқда. «Брайтон» эса ушбу ғалабадан сўнг очколари сонини 24 тага етказиб, 15-ўринга кўтарилди.
Шунингдек, 22-тур доирасида «Лестер» сафарда «Фулҳэм» устидан 2:0 ҳисобида ғалаба қозонди. Карло Анчелотти қўл остидаги «Эвертон» сафарда «Лидс»ни 2:1 ҳисобида таслим этди. «Вест Ҳэм» эса «Астон Вилла» майдонида меҳмон бўлиб 3:1 ҳисобидаги ғалабани тантана қилди. Лондонликлар сафида дебют қилган Жесси Лингард дублга эришди.
АПЛ
22-тур баҳслари
3 февраль, чоршанба
«Фулҳэм»—«Лестер» 0:2
Голлар: 0:1 – 17 Келечи Ихеаначо, 0:2 – 44 Жастин.
«Лидс»—«Эвертон» 1:2
Голлар: 0:1 – 9 Сигурдссон, 0:2 – 41 Кэлверт-Льюин, 1:2 – 48 Рафинья.
«Астон Вилла»—«Вест Ҳэм» 1:3
Голлар: 0:1 – 51 Соучек, 0:2 – 56 Лингард, 1:2 – 81 Уоткинс, 1:3 – 83 Лингард.
«Бёрнли»—«Манчестер Сити» 0:2
Голлар: 0:1 – 3 Габриэль Жезус, 0:2 – 38 Раҳим Стерлинг.
«Бёрнли» – Поуп, Ми, Питерс, Тарковски, Лоутон, Корк (Стивенс, 71), Гудмундссон, Вествуд (Бенсон, 81), Макнил, Видра, Родригес (Мумбонго, 77).
«Манчестер Сити» – Эдерсон, Рубен Диаш, Лапорт, Стоунз, Жоау Канселу (Зинченко, 64), Родри, Гундўған, Маҳрез, Бернарду Сильва, Стерлинг, Габриэль Жезус.
Огоҳлантиришлар: Эдерсон (76), Стивенс (83), Мумбонго (87).
«Ливерпуль»—«Брайтон» 0:1
Гол: 0:1 – 56 Алсате.
«Ливерпуль» – Келлехер, Александер-Арнольд, Робертсон, Филлипс, Ҳендерсон, Тиаго Алькантара, Вейналдум (Окслейд-Чемберлен, 64), Шакири (Ориги, 64), Милнер, Салоҳ, Фирмино (Жонс, 79).
«Брайтон» – Санчес, Данк, Уэбстер, Берн, Уайт, Марч (Лаллана, 67), Биссума, Алсате, Гросс, Троссард (Зекири, 87), Мопе (Коннолли, 83).
Огоҳлантиришлар: Вейналдум (45).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)