Futbol bo‘yicha Angliya Premyer Ligasi 22-turidan o‘rin olgan beshta uchrashuv 3-fevral, chorshanba kuni bo‘lib o‘tdi.
“Manchester Siti” jamoasi safarda “Byornli” mehmoni bo‘lib Gabi Jezus hamda Rahim Sterlingning birinchi bo‘lim urgan gollari evaziga g‘alabani qo‘lga kiritdi. Ushbu g‘alabadan so‘ng Gvardiola jamoasining ochkolari soni 47 taga yetdi. “Shaharliklar” zaxirasida bitta o‘yin bor va jamoa musobaqa jadvalida ikkinchi o‘rinda borayotgan hamshahari “Manchester Yunayted”ni 3 ochkoga ortda qoldirgan holda yakka peshqadam bo‘lib turibdi.
Amaldagi chempion “Liverpul” o‘z uyida “Brayton”ni qabul qildi. O‘yin taqdirini ikkinchi bo‘limning 56-daqiqasida Stiven Alsate tomonidan kiritilgan yagona gol hal etdi. Natijada Yurgen Klopp shogirdlari yana “Enfild”da mag‘lubiyat alamini totib ko‘rishga majbur bo‘ldi. Mersisayd klubi hisobida ayni damda 40 ochko bor va jamoa musoabaqa jadvalida 4-o‘rinda bormoqda. “Brayton” esa ushbu g‘alabadan so‘ng ochkolari sonini 24 taga yetkazib, 15-o‘ringa ko‘tarildi.
Shuningdek, 22-tur doirasida “Lester” safarda “Fulhem” ustidan 2:0 hisobida g‘alaba qozondi. Karlo Anchelotti qo‘l ostidagi “Everton” safarda “Lids”ni 2:1 hisobida taslim etdi. “Vest Hem” esa “Aston Villa” maydonida mehmon bo‘lib 3:1 hisobidagi g‘alabani tantana qildi. Londonliklar safida debyut qilgan Jessi Lingard dublga erishdi.
APL
22-tur bahslari
3-fevral, chorshanba
“Fulhem”—“Lester” 0:2
Gollar: 0:1 – 17 Kelechi Ixeanacho, 0:2 – 44 Jastin.
“Lids”—“Everton” 1:2
Gollar: 0:1 – 9 Sigurdsson, 0:2 – 41 Kelvert-Lyuin, 1:2 – 48 Rafinya.
“Aston Villa”—“Vest Hem” 1:3
Gollar: 0:1 – 51 Souchek, 0:2 – 56 Lingard, 1:2 – 81 Uotkins, 1:3 – 83 Lingard.
“Byornli”—“Manchester Siti” 0:2
Gollar: 0:1 – 3 Gabriel Jezus, 0:2 – 38 Rahim Sterling.
“Byornli” – Poup, Mi, Piters, Tarkovski, Louton, Kork (Stivens, 71), Gudmundsson, Vestvud (Benson, 81), Maknil, Vidra, Rodriges (Mumbongo, 77).
“Manchester Siti” – Ederson, Ruben Diash, Laport, Stounz, Joau Kanselu (Zinchenko, 64), Rodri, Gundo‘g‘an, Mahrez, Bernardu Silva, Sterling, Gabriel Jezus.
Ogohlantirishlar: Ederson (76), Stivens (83), Mumbongo (87).
“Liverpul”—“Brayton” 0:1
Gol: 0:1 – 56 Alsate.
“Liverpul” – Kellexer, Aleksander-Arnold, Robertson, Fillips, Henderson, Tiago Alkantara, Veynaldum (Oksleyd-Chemberlen, 64), Shakiri (Origi, 64), Milner, Saloh, Firmino (Jons, 79).
“Brayton” – Sanches, Dank, Uebster, Bern, Uayt, March (Lallana, 67), Bissuma, Alsate, Gross, Trossard (Zekiri, 87), Mope (Konnolli, 83).
Ogohlantirishlar: Veynaldum (45).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)