Американинг Майами шаҳрида яшовчи эркак ўғирланган маймун шаклидаги юмшоқ ўйинчоқлар учун салкам 5000 доллар тўлашга тайёр эканини маълум қилди. Бу ҳақда Local10 телеканалининг расмий сайти хабар бермоқда.
Хабарга кўра, Витас Чансао тасодифан танишиб қолган икки аёлни уйига таклиф этган. Улар Витасни гиёҳванд моддаси таъсирига тушириб, қимматбаҳо қўл соати ва иккита юмшоқ ўйинчоқни ўғирлаб кетган.
«Аслида, мен эҳтиёт бўлишим керак эди», − дейди Витас.
Маълум бўлишича, икки аёл Витас ҳамда унинг дўстига ресторанда биргаликда ичишни таклиф қилган. Шундан сўнг улар рози бўлган. Тўртовлон ресторанда бироз ўтирганидан сўнг спиртли ичимликлар ва тамаки маҳсулотларини харид қилиб, Витаснинг уйига борган. Эртаси куни Витас уйғониб, ичимликка нимадир қўшилганини ва уйида қўл соати ҳамда иккита юмшоқ ўйинчоғи йўқолганини пайқаган.
Витаснинг таъкидлашича, ушбу ўйинчоқларнинг бири унинг уйида 20 йилдан буён сақлаб келинмоқда. Иккинчиси эса собиқ севгилисидан совға бўлган. Ўғирланган соатнинг баҳоси эса тахминан 125 минг долларни ташкил этади.
Витас соатни бошқаси билан алмаштириш мумкин, деб ҳисоблайди. Аммо ўйинчоқлар учун катта пул мукофотини тўлашга тайёр. «Мен буни аҳмоқона иш эканлигини биламан, лекин кимдир уларни топса, 5 минг доллар тўлашга тайёрман», − дея таъкидлайди Витас.
Мавзуга доир:
- Нью-Йоркдаги пентхаус уйларда истиқомат қилувчилар ишсиз қолган фаррошга миннатдорчилик билдиришга қарор қилди (видео)
- Японияда «профессионал бекорчи» бўлиб ишловчи эркак 2,5 йилда салкам 300 минг доллар ишлаб топди
- Таиландлик эркак фил боласининг юрагини массаж қилиб, унинг ҳаётини сақлаб қолди (видео)
Изоҳ (0)