Даниялик сартарош мижозининг сочини худди Ким Чен Инники каби турмаклаб, интернет фойдаланувчиларининг кулгисига сабаб бўлди (видео)

Даниялик сартарош мижознинг сочини худди Шимолий Корея етакчиси Ким Чен Инни каби олиб қўйиб, ижтимоий тармоқ фойдаланувчиларига ажойиб кайфият улашди.

Маълум қилинишича, Ким Педерсен исмли мижоз сартарошдан «ноодатий» соч турмаги билан ўзини ҳайратга солишни сўраган. Уста мижознинг қора сочларини орқага тараб, уни махсус воситалар билан қотирган ҳолда КХДР етакчисининг «фирменний» соч турмагини қилган. Педерсен ўзининг ҳолатини видеога олган: янги соч турмагини унинг кайфиятини кўтарган. Бундан ташқари, кулаётган сартарош ва бошқа бир мижоз ҳам кадрга тушиб қолган.

Ижтимоий тармоқ фойдаланувчилари ролик қаҳрамонларининг юмор туйғусини яхши баҳолаб, видео остига турли изоҳларни қолдирган: «Ақл бовар қилмайди!», «Кулиш учун сабаб яратганинг учун раҳмат New York Post», «Ҳар куни тонгда Ким Чен Иннинг тасвирини кўриш менга ёқармиди ёки йўқ, билмадим», «Тасаввур қилинг, у шу каби кўринишда Оқ уйни айлангани борса! Ажойиб видео, раҳмат».