Америка Қўшма Штатларида ҳар йили февраль ойининг иккинчи санаси «Суғур куни» сифатида нишонланади. Байрам куни суғур ўз соясини сезмаса ва хотиржамлик билан инидан чиқиб келса, қиш тез орада тугайди. Борди-ю, у ўз соясидан ҳам қўрқиб яширинса, демак, баҳорни узоқ кутиш керак бўлади. Бу сафар жонивор ўзини қандай тутгани ва мавсум борасидаги эҳтимоллар ҳақидаги саволга қуйидаги суратлар орқали жавоб топиш мумкин.
Маросим анъанавий равишда Пенсильвания штати Панксатони шаҳрида ўтказилди.
«Суғур куни» байрамига одатда минглаб томошабинлар ташриф буюради, аммо коронавирус пандемияси туфайли ушбу маросим «виртуал» тарзда бўлиб ўтди.
Пандемия муносабати билан маросимни картондан ясалган томошабинлар кузатиб борди.
«Суғур куни» маросими вақтида.
2021 йил 2 февраль куни эрталаб Панксатонида қор ёғди. Шунинг учун ҳам Филь уясидан чиқишга шошилмади.
Ташкилотчиларнинг бири суғурни ўз уясидан чиқариб олди.
Бу ҳали қиш узоқ давом этади, деган қарорни англатади.
Шунинг учун баҳорни яна 6 ҳафта кутишга тўғри келади.
Америкалик иқлимшунослар Филнинг башоратини 39 фоизга тўғри деб ҳисоблайди.
Америкадаги энг машҳур суғур − бу «метеоролог» Филь ҳисобланади.
Изоҳ (0)