Ўзбекистонда 2020 йилда 2,9 миллион доллар сарфланиб, хориждан 131 та электромобиль импорт қилинган. Бу ҳақда Давлат статистика қўмитаси хабар берди.
Шундай қилиб, икки йил ичида ушбу кўрсаткич ўн баробарга ошган:
- 2018 йилда — 13 та;
- 2019 йилда — 39 та;
- 2020 йилда — 131 та.
Таъкидлаш керакки, Ўзбекистонда электромобиллар импорти учун имтиёзлар амалда — улар учун бож ва акциз солиғи тўланмайди. Фақатгина тегишли йиғимлар ва ҚҚС тўланади.
Аввалроқ Ўзбекистондаги бир нечта компаниялар 2021—2023 йилларда автомобиллар, пикаплар, юк машиналари, микроавтобуслар ва бошқа автомобилларни ишлаб чиқариш ва йиғишни йўлга қўймоқчи эканлиги ҳақида хабар берилган эди. Президент йилига 50—60 минг дона ҳамёнбоп автомобиллар ва электромобиллар ишлаб чиқаришни йўлга қўйиб, автомобиль саноати учун сармоя киритиш зарурлигини таъкидлаган эди.
Изоҳ (0)