Бухорода пиёдалар ўтиши учун белгиланган жойдан йўлни кесиб ўтаётган пиёдага йўл бермаган Spark ҳайдовчиси жаримага тортилди, деб хабар беради ИИВ ЙҲХББ ахборот хизмати.
Ижтимоий тармоқда «Қоидабузар Spark ҳайдовчиси пиёдани уриб, тан жароҳати етказиши мумкин эди» сарлавҳаси остидаги видеолавҳа тарқалди. Видеолавҳада 29 январь, жума куни Бухоро шаҳар Ибн Сино кўчасида Spark русумли, 80 М 469 КА давлат рақам белгили автомобиль пиёдалар ўтиши учун белгиланган жойдан йўлни кесиб ўтаётган пиёдага йўл бермасдан, йўл-транспорт ҳодисаси юзага келиши мумкин бўлган ҳаракатлар содир этганлиги акс этган.
Таъкидланишича, мазкур видеолавҳа ўрганилган ва Бухоро шаҳар ИИО ФМБ ЙҲХБ ходимлари томонидан суриштирув ишлари олиб борилган.
Давлат рақами 80 М 469 КА бўлган Spark автомобиль ҳайдовчиси Қ.С.га Маъмурий жавобгарлик тўғрисидаги кодекснинг 1285-моддаси (транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши) 2-қисми тартибида маъмурий баённома расмийлаштирилиб, базавий ҳисоблаш миқдорининг ўн баравари, яъни 2,23 миллион сўм жарима жазоси белгиланган.
Аввалроқ Бухорода ЙПХ инспекторини Тico капотида судраб кетган ҳайдовчи 15 суткага қамалгани тўғрисида хабар берилганди.
Изоҳ (0)