Ҳеч ким соғлиқ муаммоларига қарши иммунитетга эга эмас, ҳаттоки машҳурлик даражаси ҳам бунга ёрдам бермайди. Қуйидаги машҳур шахсларга саратон касаллиги ташхиси қўйилган ва деярли улар касаллик билан курашишда муваффақиятга эришган.

Дастин Даймонд

Актёр ўпка саратонининг 4-босқичида эканлиги яқиндагина маълум бўлди. У ҳозирда кимёвий терапиянинг биринчи босиқчини якунлади. Дастин катта жасорат билан кейинги босқичга тайёргарлик кўрмоқда.

Жефф Брижес

2020 йил октябрь ойида актёр ўзида лимфома борлигини маълум қилди. «Яхшики, шифокорлар жамоаси ва шунга яраша ташхислар ҳам бор, шунинг учун сизни ҳаммасидан хабардор қилиб тураман», − дейди Жефф.

Шеннон Доэрти

2015 йилда актрисага кўкрак бези саратони ташхиси қўйилган. Икки йил ўтгач у касалликни заифлаштиргани ҳақида маълум қилган эди. Аммо 2020 йил бошида касаллик қайта ривожланган. Шаннонга 4-босқич ташхиси қўйилган ва у даволанишни давом эттирмоқда.

Кайли Миноуг

2005 йилда қўшиқчига кўкрак бези саратони ташхиси қўйилган. У кимёвий терапия ва жарроҳлик амалиётидан ўтиб, касаллик аломатларини вақтинча заифлаштиришга эришган.

Роберт де Ниро

2003 йилда актёрга простата саратони ташхиси қўйилган. Касаллик дастлабки босқичдаёқ аниқланган, шунинг учун ҳам тузалишга муваффақ бўлган.

Майкл Дуглас

2010 йилда Майкл Дуглас тил саратонига чалинганлигини билиб қолган. Яхшики, касаллик вақтида даволанган.

Бен Стиллер

2014 йилда актёрга простата саратони ташхиси қўйилган. У касаллик аломатларини заифлаштиришга муваффақ бўлгач, фильмларда роль ўйнашига энди ҳеч нарса тўсқинлик қилмайди, деб умид қилмоқда.

Хью Жекман

2013 йилда актёрнинг бурнидан карсинома топилган. У бир нечта кимёвий терапия машғулоти ва жарроҳлик амалиётини ўтказди. Ўшандан буён Хью мунтазам равишда текширувдан ўтиб туради ва ташқарига қуёш нуридан ҳимоя қилувчи кремсиз чиқмайди.

Брижит Бардо

Актриса 1983 йил даҳшатли ташхисдан сўнг тақдирга тан бериб, даволанишдан бош тортган. Бахтига унинг дўсти соғлиғига ғамхўрлик қилишга кўндирди ва касалликни енгишга муваффақ бўлди.