Интернетни «портлатганлар»: Ижтимоий тармоқларда катта муваффақиятга эришган машҳурлар (фото)

Мухлислар ўз кумирларининг ҳаёти билан боғлиқ воқеа-ҳодисаларни ижтимоий тармоқлар орқали кузатиб боришни яхши кўради. Шундай машҳурлар борки, улар томонидан эълон қилинадиган постлар ҳеч қанча ўтмай миллионлаб лайк ва изоҳларга сабаб бўлади.

Женнифер Энистон

Хонанда 2019 йилда Instagram’да аккаунт очган. Шундан кейин уни кузатувчилар сони сониясига ошиб борган. Женнифер аудиторияси сонининг жуда катта тезликда ошгани сабаб Гиннеснинг рекордлар китобига киритилган. У 5 соат-у 16 дақиқа ичида миллион кузатувчига эга бўлган.

Чедвик Боузмен

«Қора Пантера» фильмида рол ижро қилган актёр вафот этишидан аввал, 2020 йилнинг 29 августида Twitter саҳифасида 4 йил давомида йўғон ичак саратони билан курашгани, аммо касалликка енгилгани ҳақида пост ёзиб қолдирган. Ушбу твитга 7 миллион лайк босилган, 3 миллион фойдаланувчи томонидан эса репост қилинган.

Крис Эванс

2020 йилда ижтимоий тармоқларда актёрнинг обрўсини туширадиган фотолар тарқалган. Аммо бу Крисни уялтирмаган, у Twitter’да мухлисларини 3 ноябрь куни бўлиб ўтадиган президент сайловида унга овоз беришга чақирган. Постга 1,2 миллион лайк босилган, 200 мингдан ортиқ фойдаланувчи томонидан репост қилинган.

Скарлетт Йоханссон

Бошқа ирқ вакилларининг ролини ижро қилгани сабаб Йоханссонга доимий равишда эътироз билдирилади. Бундай фикрларга актрисанинг ёзиб қолдирган жавоби ижтимоий тармоқларда муҳокамаларга сабаб бўлган. «Мен одам, ҳайвон ва дарахт ролини ўйнашим мумкин, чунки бу менинг касбим», — деган Скарлетт.

Шаҳзода Гарри ва Меган Маркл

Қироллик оиласи вакилларининг ҳаётидаги исталган воқеа: тўй, туғилган кун, фарзандларининг дунёга келиши интернетда бир зумда вирус сингари тарқалиб кетади ҳамда бу ҳақида миллионлаб мухлислар хабар топади.

Женнифер Лоуренс

У билан боғлиқ исталган ҳодиса, омадсиз бўлишидан қатъий назар, бир зумда тарқалиб кетади. «Оскар» тақдирлаш маросимида йиқилиши, қизил йўлакда қоқилиб кетиши кун воқеасига айланади.

Беёнсе

Мусиқа тарихидаги энг муваффақиятли хонандалардан бири бўлган Беёнсенинг альбом тақдимоти, ҳомиладорлиги ва у билан боғлиқ бренди ҳам ижтимоий тармоқларда кўплаб муҳокамаларга сабаб бўлади.