Миллион дона атиргул, тоғлар ва оркестр: Юлдузларнинг севги йўлидаги энг романтик туҳфалари (фото)

Машҳурлар турмуш ўртоғи учун кутилмаган совғалар тайёрлашни яхши кўради. Уларнинг баъзилари турмуш қуриш таклифини ноодатий тарзда бўлишини хоҳласа, яна бошқалари туғилган кун учун ажойиб совғалар тақдим этади.

Канье Уэст турмушга чиқиш таклифи учун стадионни ижарага олган

Рэп ижрочиси Канье Уэст Ким Кардашьяннинг қўлини 2013 йил 21 октябрь − унинг туғилган кунида сўраган. Канье бунинг учун Голливуднинг романтик анъаналаридан фойдаланган. У ижарага стадион олиб, оркестр ҳамда Кимнинг оиласини таклиф этган. Шунингдек, Loarraine Schwartz заргарлик брендидан 15 каратли олмос узукни Кардашьяннинг бармоғига тақиб қўйган. Бундан ташқари, стадион пештахтасига, «Илтимос, менга турмушга чиқ!» деб ёздирган. Кардашьяннинг сўзларига кўра, бу унинг ҳаётидаги энг яхши кунларнинг бири бўлиб қолади.

Сил севгилисини тоғларга олиб чиққан

Мусиқа дунёсининг яна бир романтик вакили – Сил ҳам бу борада Каньедан ортда қолмаган. У модель Хайди Клумнинг қўлини сўраш учун Канададаги тоғларга, 4 минг метр баландликка олиб чиққан. Албатта, у ерни ажойиб тарзда безашга ҳам улгурган. Барча тайёргарликдан сўнг Сил Хайдига тоққа чиқишни ҳамда вертолётда сайр қилишни таклиф қилган. Шам ва атиргуллар билан безатилган кечки овқат дастурхони олдида Сил тиз чўкиб, Хайдининг қўлини сўраган. Жуфтликнинг никоҳи кейинчалик бузилганига қарамай, Хайди ўша бахтли оқшомни меҳр билан эслайди.

Бен Аффлек никоҳ узугини юк машинасига яширган

Бен Аффлек ва Женнифер Гарнер 2011 йилда «Перл-Харбор» саҳнасида учрашган. Аммо улар орасидаги муносабат Бен ва Женнифер Лопес ажрашганидан сўнг 2004 йилда бошланган. Орадан бир йил ўтиб, Бен Гарнернинг қўлини сўрашга қарор қилган ва унинг 33 ёшга тўладиган кунида ичида катта қутиси бўлган юк машинаси ресторан қаршисида тўхтаган. Гарнер севгилиси унга машина совға қилишини сезган эди, аммо қути ичида яна бир кичкина қути бўлиб, унинг ичида олмос узук ҳам бўлган.

Максим Фадеев ҳар йили 1000 та атиргул совға қилади

25 йиллик турмуши давомида Максим рафиқаси Наталиянинг туғилган кунида 1000 дона атиргул совға қилади. Бир маротаба жуфтлик туғилган кунни Балида нишонлаган ва у ердан атиргул топишнинг имкони бўлмаган. Анъанага ўзгартириш киритилиб, бир олам хризантема Наталияни кутиб олган.

Райан Гослинг Ева Мендесга саҳнадан туриб миннатдорлик билдирган

2017 йил Гослинг «Комедия ва мусиқали фильмнинг энг яхши актёри» сифатида «Олтин глобус» мукофотини қўлга киритган. Райан саҳнага чиқиб, ўзининг ютуқлари учун рафиқаси ҳамда икки фарзандининг онаси − Ева Мендесдан қарздорлигини билдирган. «Мен қўшиқ куйлаганимда, рақсга тушганимда, пианино чалганимда севгилим қизимизни тарбия қилган, иккинчи фарзандимизга ҳомиладор бўлган, шунингдек, акасига саратон касаллигини енгишига ёрдам беришга ҳаракат қилган, − дея сўзлаган актёр. – Азизим, сенга ҳаммаси учун ташаккур! Ва мен ушбу совринни Хуан Карлос Мендесга бағишламоқчиман». Еванинг акаси Хуан Карлос 2016 йилда саратон касаллигидан вафот этган.