1 февралдан бошлаб Туркманистондан Россияга жўнаб кетиш учун фақат Ашхободдаги Россия элчихонасига шахсан мурожаат қилиш керак бўлади, дея хабар қилмоқда «Хроника Туркменистана».
Янги қоидалар Россияга чиқиш истагида мурожаат қилган фуқаролардан келган аризалар кўпайиб, элчихонанинг электрон почтаси юкламани кўтаролмагани туфайли киритилди.
Энди фақат қуйидаги тоифадаги фуқароларнинг мурожаатлари электрон почта орқали кўриб чиқилади:
- Фақат Россия фуқаролигига эга бўлганлар;
- Россия ҳудудида доимий яшайдиган икки ва ундан ортиқ фуқаролиги бўлган шахслар;
- Россияга даволаниш, оғир касаллиги сабаб ёки яқин қариндошининг ўлими муносабати билан кетаётган шахслар.
Аввалроқ Туркманистонда коронавирусга қарши Россиянинг иккинчи вакцинаси – «ЭпиВакКорона» рўйхатдан ўтказилгани, Бердимуҳамедов гўзаллик танловида ғолиб бўлган итлар учун бериладиган медал дизайнини маъқуллагани ҳамда Туркманистон аҳолисини коронавирусга қарши эмлашга тайёрланаётгани ҳақида хабар берилганди.
Изоҳ (0)