Клиник синовларнинг учинчи босқичи якунларига мувофиқ, Американинг Novavax биотехнологик компанияси вакцинасининг самарадорлик даражаси 89,3 фоизни ташкил этди, деб ёзади «РБК» компания матбуот хизматига таяниб.
Буюк Британияда ўтказилган синовларда 18 дан 84 ёшгача бўлган 15 мингдан ортиқ киши қатнашди, 65 ёшдан катталар 27 фоизни ташкил этди.
2020 йил июлида Novavax АҚШ ҳукумати клиник синовлар ўтказиш учун унга 1,6 миллиард доллар ажратганини маълум қилган, бир ойдан кейин эса тадқиқотларнинг иккита босқичи муваффақиятли ўтгани эълон қилинган эди.
Ноябрь ойида Bloomberg коронавирусга қарши вакциналарнинг талабгирлик бўйича рейтингини эълон қилганди. Novavax унда дастлабки буюртмалар сони бўйича иккинчи ўринни эгаллади (1,4 миллиард доза, шулардан 160 миллионтаси — АҚШ, 100 миллионтаси — Европа учун). Ушбу рейтингда Британиянинг AstraZeneca компанияси вакцинаси биринчи ўринда жойлашди, учинчи ўринда — Johnson & Johnson вакцинаси.
Изоҳ (0)