Камеруннинг Жанг шаҳри яқинида автобус юк машинаси билан тўқнашди. Йўл-транспорт ҳодисаси оқибатида иккала транспорт воситаси ҳам ёниб кетган. Бу ҳақда Journal du Cameroun маҳаллий нашрига таяниб, «Korrespondent.net» хабар қилди.
Қайд этилишича, ушбу воқеа 27 январь куни маҳаллий вақт билан, тахминан, соат 03:00 да содир бўлган. Юк машинаси ёқилғи олиб кетаётган бўлган. У шаҳарлараро автобус билан тўқнашгандан сўнг, иккала транспорт воситаси ҳам ёниб кетган.
ЙТҲ оқибатида 53 киши ҳалок бўлган, 29 киши жароҳат олган.
Аввалроқ Харьковдаги қариялар уйида ёнғин оқибатида 15 киши ҳалок бўлгани ҳамда Беларусда Nokia 3310’нинг ёниб кетиши оқибатида мактаб ўқувчиси куйиш жароҳатини олгани ҳақида хабар берилганди.
