Президент Шавкат Мирзиёев раислигида 27 январь куни ўтказилган йиғилишда давлат раҳбари яқин кунларда кадрлар масаласида катта ўзгариш бўлиши ҳақида сўз юритди, дея хабар бермоқда «Дарё» мухбири.
«Бир ҳафта ичида кадрлар масаласи бўйича бир қарорга имзо қўяман. Биз ишонган айрим амалдорлар аравани тортмаяпти. Улар садоқатли одам, лекин ишни бажара олмаяпти. Шунча ваъзхонлик етади, уларга қанча имкониятлар бердик, аммо самарали натижа кўрсатишмади. Бошқача ишлаш вақти келди», – деди Шавкат Мирзиёев.
Президент етарлича ишламаётган вазир ҳамда ҳокимларни танқид қиларкан, яқин кунларда бир нафар ҳоким ва бир нафар вазир лавозимини тарк этишини таъкидлади.
Аввалроқ Шавкат Мирзиёев бош вазир ва администрация раҳбаридан рухсат сўрамай, мажлис ўтказган амалдор ишдан олинишини таъкидлагани ҳамда Когон шаҳрининг 4 та сектор раҳбарини ишдан олгани ҳамда туман сектор раҳбарлари ҳафтанинг икки кунини фақат ёшлар муаммоларини ҳал этишга ажратишини маълум қилгани ҳақида хабар берилганди.
Мавзуга доир:
- Шавкат Мирзиёев Ўзбекистондаги 18-30 ёшлилар орасидаги расмий ишсизлар сонини маълум қилди
- Шавкат Мирзиёев: «Тошкент шаҳрида 77 мингта вакант иш ўринлари мавжуд, шундан 45 мингтасига олий маълумот талаб этилмайди»
- Шавкат Мирзиёев «Ватанпарвар» ташкилоти Мудофаа вазирлиги тизимига ўтказилишини маълум қилди
Изоҳ (0)