Иқлим ўзгариши натижасида рўй берган табиий офатлар 410 мингдан ортиқ одамни ҳаётдан олиб кетди. Бу ҳақда БМТ бош котиби Антониу Гутерриш Иқлим ўзгаришларига мослашиш саммитида сўзлаган нутқида айтиб ўтди, деб ёзмоқда «РИА Новости».
Унинг сўзларига кўра, дунё мисли кўрилмаган экстремал иқлим ҳодисаларига гувоҳ бўлмоқда.
«Бутунжаҳон метереология ташкилотининг маълумотларига кўра, ўтган 50 йил давомида об-ҳаво, иқлим ва сув омиллари билан боғлиқ 11 мингдан зиёд табиий офат рўй берган», — дейди Гутерриш.
БМТ бош котибининг қўшимча қилишича, табиий офатларнинг оқибатларини бартараф этиш учун 3,6 триллион доллар атрофида маблағ сарфланган.
Табиий офатлар оқибатида вафот этган 410 мингдан ортиқ одамлар яшаган ҳудудларнинг аксарияти аҳоли даромади ўрта ёки паст бўлган мамлакатлардир.
Гутерришнинг қайд этишича, кам углеродли ва юқори даражада бардошли келажакка эришиш, бу каби табиий офатлардан зарар кўрган дунёни қайта тиклаш, COVID-19 пандемияси асоратларидан қутулиш ишларини молиялаштириш учун яна триллионлаб доллар керак бўлади.
Мавзуга доир:
Изоҳ (0)