Iqlim o‘zgarishi natijasida ro‘y bergan tabiiy ofatlar 410 mingdan ortiq odamni hayotdan olib ketdi. Bu haqda BMT bosh kotibi Antoniu Guterrish Iqlim o‘zgarishlariga moslashish sammitida so‘zlagan nutqida aytib o‘tdi, deb yozmoqda “RIA Novosti”.
Uning so‘zlariga ko‘ra, dunyo misli ko‘rilmagan ekstremal iqlim hodisalariga guvoh bo‘lmoqda.
“Butunjahon metereologiya tashkilotining ma’lumotlariga ko‘ra, o‘tgan 50 yil davomida ob-havo, iqlim va suv omillari bilan bog‘liq 11 mingdan ziyod tabiiy ofat ro‘y bergan”, — deydi Guterrish.
BMT bosh kotibining qo‘shimcha qilishicha, tabiiy ofatlarning oqibatlarini bartaraf etish uchun 3,6 trillion dollar atrofida mablag‘ sarflangan.
Tabiiy ofatlar oqibatida vafot etgan 410 mingdan ortiq odamlar yashagan hududlarning aksariyati aholi daromadi o‘rta yoki past bo‘lgan mamlakatlardir.
Guterrishning qayd etishicha, kam uglerodli va yuqori darajada bardoshli kelajakka erishish, bu kabi tabiiy ofatlardan zarar ko‘rgan dunyoni qayta tiklash, COVID-19 pandemiyasi asoratlaridan qutulish ishlarini moliyalashtirish uchun yana trillionlab dollar kerak bo‘ladi.
Mavzuga doir:
Izoh (0)