«Челси» бош мураббийи Фрэнк Лэмпард ўз лавозимидан озод этилди. Лондонликлар 42 ёшли мутахассис истеъфосини маълум қилди.
Жамоанинг сўнгги вақтлардаги натижалари ва ўйин савиясининг кутилганидек бўлмаётгани бунга сабаб қилиб кўрсатилган.
Лэмпард лондонликлар бошқарувига 2019 йилнинг ёзида келганди. 2019/20 йилги мавсумда жамоа Премьер Лигада 4-ўринни қўлга киритди. Чемпионлар Лигасида эса 1/8 финалда «Бавария»га ютқазди (0:3, 1:4).
«Челси» Премьер Лига 2020/21 йилги мавсумининг сўнгги беш ўйинида битта ғалаба қайд этди. Жамоа 19-турдан кейин 29 очко билан 9-ўринда бормоқда. Чемпионлар Лигасининг жорий мавсумида эса «Челси» гуруҳни биринчи ўринда якунлади ва 1/8 финалда «Атлетико» билан ўйнайди.
The Athletic’нинг хабар қилишича, «Челси»нинг янги бош мураббийи Томас Тухель бўлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)