UFC жангчиси Оттман Азайтар коронавирус хавфсизлиги бўйича қоидаларни бузганлиги сабаб промоушендан четлатилди.
UFC президенти Дэйна Уайтнинг маълум қилишича, UFC 257 да иштирок этиши керак бўлган марокашлик яккакурашчи «Жангчилар ороли»га дўстини олиб киришга уринган.
У ва унинг жамоаси ўз тасмаларини юлиб, «Жангчилар ороли»дан ташқарида бўлган ўша кишига берган. Бу йигит тўртта айвондан ўтиб, изоляцияланган ҳудудга кирган ва Азайтарнинг хонасида бўлган. Кейин кийимини алмаштириб, махсус ҳудудни тарк этган. Ҳаммаси кузатув камераларига тушган, биз барчасини кўрдик. Азайтарнинг жангини бекор қилдик ва уни четлатдик.Азайтар UFC 257 мусобақасида Мэтт Фривола билан жанг қилиши белгиланганди. Бироқ улар ўртасидаги жанг бекор қилинган. Фриволага қарши эса Арман Сарукян жанг қилади. Аввалроқ Сарукяннинг рақиби вазн ўлчаш маросимига келмагани боис, мусобақадан четлатилганди.Дэйна Уайт, UFC президенти
Азайтар UFC’да 2019 йилда дебют қилган. Бу вақт ичида икки жанг ўтказиб, уларда ғалаба қозонган. Умумий ҳисобда MMA’да 13 та жанг ўтказган яккакурашчи уларнинг барчасини ғалаба билан якунлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)