Футбол бўйича Германия Бундеслигасининг 18-турида «Боруссия М» 22 январь, жума куни «Боруссия Д»ни қабул қилди.
Учрашувнинг 11-дақиқасида Нико Эльведи мюнхенгладбахликларни ҳисобда олдинга олиб чиқди. Бунга дортмундликлар кўп ўтмай Эрлинг Ҳоланднинг дубли билан жавоб қайтарди. 32-дақиқада Элвиди ҳам дубль қайд этган ҳолда мувозанатни тиклади.
Иккинчи бўлим дебютида Рами Бенсебайни майдон эгаларининг учинчи голини урган бўлса, 78-дақиқада Маркус Тюрам якуний ҳисобни ўрнатди — 4:2.
«Боруссия М» ушбу ғалабадан кейин очколарини 31 тага етказиб олди ва 4-ўринга кўтарилди. Кетма-кет уч ўйиндан буён ғалаба қозона олмаётган Дортмунд жамоаси эса 29 очко билан 5-ўринга равона бўлди.
Бундеслига
18-тур баҳси
22 январь, жума
«Боруссия М» — «Боруссия Д» 4:2
Голлар: 1:0 – 11 Эльведи, 1:1 – 22 Ҳоланд, 1:2 – 28 Ҳоланд, 2:2 – 32 Эльведи, 3:2 – 49 Бенсебайни, 4:2 – 78 Тюрам.«Боруссия М»: Зоммер, Лайнер, Гинтер, Эльведи, Закария (Ҳеррманн, 84), Бенсебайни, Штиндль (Вольф, 71), Крамер, Нойхаус, Ҳофманн (Тюрам, 65), Плеа (Эмболо, 70).
«Боруссия Д»: Бюрки, Морей (Тиггес, 87), Ҳуммелс, Аканжи, Геррейру, Жан, Брандт, Санчо, Беллингҳем (Мукоко, 79), Ройс (Рейна, 71), Ҳоланд.
Огоҳлантиришлар: Крамер (89).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)