Футбол бўйича Франция чемпионатининг 21-турида ПСЖ 22 январь, жума куни «Монпелье»ни қабул қилди.
Учрашувнинг 19-дақиқасидаёқ меҳмонлар дарвозабони Йонас Омлин тўғридан-тўғри қизил карточка олиб, майдонни тарк этди. 34-дақиқада Килиан Мбаппе парижликларни олдинга олиб чиқди.
Иккинчи бўлимда ПСЖ яна учта тўп киритишга муваффақ бўлди. Неймар 60-дақиқада иккинчи голни урган бўлса, орадан бир дақиқа ўтиб Мауро Икарди ҳисобни йирик кўринишга олиб келди. Яна икки дақиқадан сўнг эса Мбаппе дубль қайд этган ҳолда якуний ҳисобни ўрнатди — 4:0.
Ушбу ғалабадан кейин очколарини 45 тага етказиб олган ПСЖ биринчи ўринга кўтарилди. «Монпелье» (28) 11-поғонада қолди.
Лига 1
21-тур баҳси
22 январь, жума
ПСЖ — «Монпелье» 4:0
Голлар: 1:0 – 34 Мбаппе, 2:0 – 60 Неймар, 3:0 – 61 Икарди, 4:0 – 63 Мбаппе.ПСЖ: Навас (Рико, 46), Диалло, Курзава (Баккер, 76), Флоренци, Маркиньос (Керер, 52), Ди Мария, Паредес (Данилу Перейра, 76), Верратти, Икарди (Сарабия, 82), Мбаппе, Неймар.
«Монпелье»: Омлин, Илтон, Конгре (Коцса, 68), Суке, Ристич (Берто, 21), Самбия, Ле Таллек (Мавидиди, 68), Саванье, Молле (Шотар, 35), Педру Мендеш, Лаборд (Ваи, 68).
Огоҳлантиришлар: Педру Мендеш (45), Неймар (76), Верратти (82).
Четлатиш: Омлин (19).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)