Ice Universe ники остидаги таниқли инсайдер Samsung’нинг янги флагмани ишидан ҳайратда эканини маълум қилди. Хусусан, у бармоқ изи сканерининг жуда тез ишлашини Twitter’даги саҳифаси орқали намойиш этган.
«Мен ҳайратдаман: S21 Ultra’даги бармоқ изини аниқловчи ультратовуш тезлиги кутилганидан ҳам аъло. У бармоқ изини оптик аниқлаш борасидаги ўзидан олдинги барча ечимлардан ўтади, бу жуда тез», — деб ёзади инсайдер.
I am surprised that the ultrasonic fingerprint recognition speed of S21 Ultra is beyond my imagination, it beats all optical fingerprint recognition solutions, it is too fast. pic.twitter.com/mC4mjcw8No
— ICE CAT (@UniverseIce) January 22, 2021
Samsung’нинг янги моделида бармоқ изи сканери майдони 77 фоизга каттарган ва 50 фоизга тезлашган. Galaxy S10 ёки Galaxy S20 билан таққослаганда бу сезиларли ҳисобланади. Бунинг учун ҳатто дисплейни ёқиш ҳам шарт эмас: бармоқни сканер соҳасига тахминан босиш керак ва смартфон блокдан чиқади.
Аввалроқ Samsung Galaxy S21 Ultra’нинг камераси идеал бўлиб чиқмагани, секинлаштирилган ҳолда суратга олишда флагман S21 моделига ютқазиб қўяётгани тўғрисида хабар берилганди.
Изоҳ (0)