Ўтган ҳафта Samsung компанияси Galaxy S21, Galaxy S21+ ва Galaxy S21 Ultra смартфонларини тақдим этиб, S21 Ultra’ни энг яхши камерага эга флагман деб атаганди. Бироқ IXBT’нинг ёзишича, секинлаштирилган ҳолда суратга олиш режимида модель барчадан устун эмас.
Samsung Galaxy S21 ва S21+ смартфонлари сониясига 960 та кадрли частотага эга ўта юқори даражада секинлаштирилган режимни қўллаб-қувватлайди. Яъни Samsung Galaxy S21 Ultra аппарат даражасида сониясига 480 та кадрли частотада видео ёзиб олади ва шундан сўнг дастурий алгоритмлардан фойдаланган ҳолда оралиқ кадрларни қўйиб чиқиб, частоталарни сониясига 960 кадрга етказади.
Шу билан бирга, Galaxy S21 Ultra эгалари давомийлиги бир сонияга тенг видеороликларни ёзиб олишга қодир бўлиб, секинлаштирилган ҳолатда улар 32 сонияли роликка айланади. Galaxy S21 ва Galaxy S21+ эса 0,5 сониягача видео ёзиб олади, якуний видео давомийлиги эса — 16 сония.
Samsung компанияси ушбу маълумотга изоҳ бериб, бу Galaxy S21 Ultra’га видео тасвирга олиш учун бошқа тезликда ишлайдиган датчик ўрнатилгани сабаб амалга оширилишини маълум қилган. Компания Galaxy S21 ва S21+’нинг имкониятларини сунъий камайтириш ўрнига, уларга сониясига 960 та кадр олиш ва кадрлар частотасига катта моделдаги каби ишлов бериш технологияси имкониятини тўлиқ берган. Samsung’нинг таъкидлашича, орадаги фарқ у қадар сезиларли бўлмайди.
Изоҳ (0)