Аёллар саломатлигини сақлаш учун муҳим бўлган тиббий текширувлар

Саломатликда муаммолар пайдо бўлишига ёш билан боғлиқ ўзгаришлар ҳам сабаб бўлади. Турли касалликларнинг олдини олиш учун эса шифокор кўригидан ўтиб туриш керак.

Кўкрак қафасини флюорография ёки рентген орқали текшириш

Нима учун керак: сил, саратон ва ўпкадаги бошқа жиддий касалликларни аниқлаш учун.

Қанча муддатда текширтириб туриш керак: 18 ёшдан бошлаб бир йилда бир марта.

Кўзнинг ички босимини ўлчатиш ва кўриш қобилиятини текширтириш

Нима учун керак: ёш билан боғлиқ ўзгаришлар ва глаукомани аниқлаш учун.

Қанча муддатда текширтириб туриш керак: 35 ёшдан кейин бир йилда бир марта.

ЭКГ (Электрокардиограмма)

Нима учун керак: юрак ритми билан боғлиқ муаммолар, юракни қон билан таъминланиши қай даражада эканини аниқлаш учун.

Қанча муддатда текширтириб туриш керак: 40 ёшдан ошган соғлом аёлларда йилига бир марта.

Денситометрия

Нима учун керак: остеопороз бор ёки йўқлигини аниқлаш ва суяклар мустаҳкамлигини текшириш учун керак.

Қанча муддатда текширтириб туриш керак: 45 ёшдан йилда икки марта.

Қорин бўшлиғини ультратовушли скрининг орқали текшириш

Нима учун керак: бачадонда ўсимта бор-йўқлигини, сийдик пуфаги ўлчами ва унинг ҳолати, буйракдаги тошларни аниқлаш учун.

Қанча муддатда текширтириб туриш керак: 18 ёшдан бошлаб бир йилда бир марта.

Маммограмма

Нима учун керак: сут бези касалликларини аниқлаш ва турли жиддий оқибатларнинг олдини олиш учун.

Қанча муддатда текширтириб туриш керак: 40 ёшдан аёллар йилига камида 2 марта, 50 ёшдан кейин 1 йилда 1 марта. Кўкрак соҳасида оғриқ сезиш текширувдан ўтиш учун жиддий сабаб бўла олади.

Колоноскопия

Нима учун керак: ичакларда саратон бор-йўқлигини аниқлаш учун.

Қанча муддатда текширтириб туриш керак: 50 ёшдан бошлаб, йўғон ва тўғри ичакларда ўсимта ривожланиш хавфи бўлмаган кишиларда 5 йилда бир марта. Ҳазм жараёнида муаммо борлиги текширувдан ўтиш учун жиддий сабаб.

Одам папилломаси вирусига (Human papillomavirus, HPV) таҳлил топшириш

Нима учун керак: саратон келиб чиқишига сабаб бўлиши мумкин бўлгани сабаб ҳам текширув ўта муҳим саналади.

Қанча муддатда текширтириб туриш керак: 30 ёшдан 69 ёшгача 5 йилда бир марта.