Бугун,

  • USD 11095.31
  • RUB 173.84
  • EUR 10772.44

Ўқитувчиларга вақтинчалик тўхтатилган устамалар 1 январдан ўрнатилган тартибда тўлаб берилади. Бу ҳақда Халқ таълими вазирлиги матбуот хизмати хабар берди.

Фото: «Дарё»

Фото: «Дарё»

Вазирлар Маҳкамасининг «2020 йил учун Ўзбекистон Республикаси давлат бюджетининг барқарорлигини таъминлаш ва харажатларни мақбуллаштириш бўйича қўшимча чора-тадбирлар тўғрисида»ги 232-сон ва 2020 йил 21 сентябрдаги қарорларига асосан бюджет ташкилотларида ишлайдиган ходимларга 1 январга қадар моддий рағбатлантириш махсус жамғармаси ҳамда директор жамғармаси маблағлари ҳисобидан тўловлар ҳисобланиши тўхтатиб турилган эди.

Тиббиёт, тиббий-ижтимоий муассасалар, меҳрибонлик уйлари ҳамда меҳнатга ҳақ тўлашнинг 1-3 разрядлари қўлланиладиган ходимлар бундан мустасно бўлган.

«Бугунги кунда айрим ҳудудларда директор жамғармаси маблағлари ҳисобидан тўланиши лозим бўлган устамалар ҳисобланмаётгани юзасидан норозиликлар юзага келмоқда. 2021 йилнинг 1 январидан бошлаб мазкур устамалар тўланмаслиги юзасидан ҳеч қандай кўрсатмалар берилмаганини маълум қиламиз», дейилади ХТВ хабарида.

Қайд этилишича, вақтинчалик тўхтатилган устамалар ишчи гуруҳларнинг 2020 йил 1 июлга қадар қабул қилган қарори ва директорнинг буйруғи асосида 2021 йил 1 январдан бошлаб ўрнатилган тартибда тўлаб берилади.

Халқ таълими вазирлиги ҳудудий халқ таълими бўлинмаларидан педагог ходимларнинг ойлик иш ҳақига устамалар тўланишини 2021 йил 1 январдан бошлаб амалга оширишни, устамаларни тўлашда сусткашликка йўл қўяётган тегишли масъулларга нисбатан интизомий чора кўрилишини қатъий назоратга олишни сўраган.

Маълумот учун, бюджет ташкилотларида ишлайдиган ходимларни моддий рағбатлантириш Молия вазирлигининг 1995 йилда қабул қилган низоми билан тартибга солинади.

Аввалроқ ўқитувчи бошқа туманга ишлаш учун борганига 50 фоиз, бошқа вилоятга борганига эса 100 фоиз қўшимча ҳақ тўланиши маълум қилинганди.

Изоҳ
Асосий янгиликлар
Маҳаллий
Нукус воқеаларида айбланаётганлар суди давом этмоқда: асосий гумонланувчилардан бири иккинчисини фирибгар деб атади
Маҳаллий
Қашқадарёда 3 кунлик фирма 2,6 млрд сўмлик иссиқхона ўрнатиш тендерини ютиб олди
Дунё
Лукашенко Беларусь ташқи ишлар вазири Макей билан видолашув маросимида иштирок этди (фото)