Олий суд 2020 йилда Ўзбекистонда кўрилган жиноят ишлари таҳлилига оид маълумотларни эълон қилди. Унга кўра, 38 149 нафар шахсга нисбатан 30 284 та иш кўриб чиқилган. 2019 йилда 36 845 нафар шахсга нисбатан 28 846 та иш кўриб чиқилганди.
Судланган шахслар сони 27 999 нафарни ташкил этиб, уларнинг 1051 нафари шартли ҳукм қилинган 7110 нафари озодликдан маҳрум этилган, 19 838 нафарига бошқа турдаги жазолар тайинланган.
Судланган шахсларнинг 24 972 нафари эркаклар, 3 027 нафари аёллар, 10 371 нафари ёшлар (шу жумладан, 499 нафари вояга етмаганлар) ва 908 нафари 60 ёшдан ошган шахслардир.
Шунингдек, 3 434 нафар шахс озодликдан маҳрум этиш билан боғлиқ бўлмаган жазолар тайинланиши муносабати билан суд залидан озод қилинган, 21 970 нафари жазони ўташдан муддатидан илгари шартли озод қилинган, 6 959 нафарига тайинланган жазоси енгили билан алмаштирилган ва 5 958 нафар шахсга нисбатан дастлабки тергов органлари томонидан асоссиз равишда қўйилган моддалар айбловдан чиқариб ташланган ёки қайта малакаланган. 781 нафар шахс оқланиб, реабилитация қилинган.
Бундан ташқари, Олий суд Жиноят ишлари бўйича судлов ҳайъати назорат тартибида 1 523 нафар шахсга нисбатан 1 214 та ишни кўриб чиққан. 969 кишига нисбатан қуйи судларнинг қарорлари бекор қилинган, 385 кишига нисбатан чиқарилган суд қарорлари ўзгартирилган.
Аввалроқ Ўзбекистондаги маҳкумлар сони маълум қилинганди.
Изоҳ (0)