Президент Шавкат Мирзиёев 19 январь, сешанба куни ўтказилган видеоселектор йиғилишида маънавий-маърифий журналлар ҳақида гапираркан, уларнинг обуначиси кам эканлигини алоҳида қайд этди, дея хабар бермоқда «Дарё» мухбири Миролим Исажонов.
«Афсуски, бугун ‘Тафаккур’, ‘Маънавий ҳаёт’, ‘Жаҳон адабиёти’, ‘Шарқ юлдузи’ каби маънавий-маърифий журналларимиз обуначилар камлиги туфайли жуда кам тиражда нашр этилмоқда.
Агар ҳар бир мактаб, коллеж, техникум, олий ўқув юрти кутубхонасига биттадан журнал бепул етиб борса ҳам, уларнинг тиражи 10 мингдан ортиқ бўлиши лозим. Бунинг учун зарур маблағни топиш шунча қийинми? Бу журналларни ўқимаган ёшларимизни қандай қилиб маънавий етук инсон сифатида тарбиялаймиз?», — деди Президент.
Давлат раҳбари Молия, Халқ таълими ва Олий таълим вазирликлари раҳбарлари мазкур нашрларнинг ҳар бир ўқув даргоҳига етиб боришини таъминлаш чораларини кўриш бўйича топшириқ берди.
Мавзуга доир:
- «Бадиий кенгашлар қаёққа қараяпти?» – Шавкат Мирзиёев айрим телеканаллардаги кўрсатув ва сериаллар савиясини танқид қилди
- «‘Ижод’ жамоат фонди негизида Маънавият ва ижодни қўллаб-қувватлаш фонди ташкил этилади» – Шавкат Мирзиёев
- Ўзбекистонда эндиликда ҳокимлардан ҳам маънавий ишлар қатъий талаб қилинади
Изоҳ (0)