Бугун,

  • USD 11095.31
  • RUB 173.84
  • EUR 10772.44

«Реал» бош мураббийи Зинедин Зидан жамоани тарк этган бир қатор футболчилар бошқа чемпионатларда ўзини кўрсатаётгани ҳақида фикр билдирди.

Фото: Getty Images

Фото: Getty Images

Франциялик мутахассисга Лука Йович («Айнтрахт»га ижара асосида қайтди), ҳимоячи Серхио Регилон («Тоттенҳэм»га сотиб юборилган) ва яна бир ҳимоячи Ашраф Ҳакими («Интер»га сотиб юборилган) ҳақида савол берилди.

Ҳар доимгидек мен айбдорман. Мураббийни айблаш осон. «Реал»да ўйнаш жуда оғир, буни футболчилик пайтимда англаганман. Баъзи вақтларда ўйинчилар шу ерда қолади. Айрим ҳолларда эса кетиши ва ўзини кўрсатиши керак бўлади. Бу айнан Лукага тегишли жиҳат.

Йовичнинг трансфери — яхши харид. Мен унинг учун хурсандман, бир кун келиб у бу ишни Мадридда ҳам амалга оширади. Бу клубда ўйнаш ва бошқа жамоада ҳаракат қилиш — турли хил нарса. Лукада келажак бор, у вақти келиб «Реал»да ҳам голлар уриши мумкин ва бу барчага тегишли. Бу ерда ҳар доим кучли рақобат бор, бироқ бунга мураббий айбдор эмас.

Зинедин Зидан, «Реал» бош мураббийи

Йович 2019 йилнинг ёзида 60 миллион евро эвазига «Айнтрахт»дан «Реал»га ўтганди. 14 январь куни сербялик футболчи 2020/21 йилги мавсум охиригача немис клубига ижарага берилди.

Ўтган 1,5 йил давомида Йович «Реал» сафида бор-йўғи 11 ўйинда асосий таркибда майдонга тушди ва жами минг дақиқадан камроқ ҳаракат қилди.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!

Изоҳ
Asosiy yangiliklar
Дунё
«Дарё» кундалигида 9 декабрда содир бўлган энг муҳим воқеалар
Дунё
Қозоғистон Россияга зирҳли техника жўнатиши ҳақида хабарлар тарқалди (видео)
Маданият
Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео)