Қашқадарёнинг бир неча туманида бойчечак гуллади. Бу ҳақда туман ҳокимликлари расмий каналларида хабар берилди.
Маълумотларга қараганда, Деҳқонобод тумани Бойқўрғон қишлоғи ҳамда Чироқчи тумани Тарғай қишлоғида бойчечаклар очила бошлаган.
Эслатиб ўтамиз, ўтган ҳафтада Ўзбекистонга Эрондан жуда илиқ ҳаво массалари кириб келганди. Бироқ «Ўзгидромет» бу иссиқ ҳали баҳор эмаслиги, кейинги ҳафтада яна совуқ бўлишини айтганди. «Ўзгидромет» 18 январь куни эълон қилган хабарида ҳафтанинг биринчи ярмида ҳаво баҳорий илиқ бўлиши, аммо ҳафтанинг охирига келиб, қишки об-ҳаво мамлакатга қайтишини маълум қилди.
Изоҳ (0)