Qashqadaryoning bir necha tumanida boychechak gulladi. Bu haqda tuman hokimliklari rasmiy kanallarida xabar berildi.
Ma’lumotlarga qaraganda, Dehqonobod tumani Boyqo‘rg‘on qishlog‘i hamda Chiroqchi tumani Targ‘ay qishlog‘ida boychechaklar ochila boshlagan.
Eslatib o‘tamiz, o‘tgan haftada O‘zbekistonga Erondan juda iliq havo massalari kirib kelgandi. Biroq “O‘zgidromet” bu issiq hali bahor emasligi, keyingi haftada yana sovuq bo‘lishini aytgandi. “O‘zgidromet” 18-yanvar kuni e’lon qilgan xabarida haftaning birinchi yarmida havo bahoriy iliq bo‘lishi, ammo haftaning oxiriga kelib, qishki ob-havo mamlakatga qaytishini ma’lum qildi.
Izoh (0)