Ўзбекистонга январь ойи охирида кутилаётган аномал совуқдан ўтиб олиш учун энергия тизимида барча имконият мавжуд. Бу ҳақда 19 январь куни АОКАда бўлиб ўтган брифингда энергетика вазири Алишер Султонов айтиб ўтди, дея хабар бермоқда «Дарё» мухбири.
Анжуманда Алишер Султонов «Совуқ кунларда аҳолини газ, электр энергияси ва кўмир билан таъминлашда кузатилаётган муаммолар» мавзусида бўлиб ўтган брифингда энергия ресурсларини тежамкорлик билан ишлатишни тавсия қилди.
Авваллари ҳам қишга тайёргарлик кўрганимизда уйимизни, иш жойимизни, боғча ва мактабларни иситишни ўйлардик. Деразалар яхши ёпиляптими, шамол кирмаяптими, эшиклар ёпиладими, эшикларни иситишни ҳам ўйлардик. Бугунги кунда жуда ҳам кўп вазиятлар кузатиляпти, ностандарт мосламалар ишлатилганда кўп энергиямиз кўчани иситишга кетяпти. Бундай ҳолатда ишлаб чиқаришни кўпайтирсак ҳам ҳеч қачон газни ҳам, электрни ҳам етказиб беролмаймиз. Шунинг учун, ҳурматли истеъмолчилар, шу йўналишда биргаликда ишлашни мен сизлардан илтимос қилардим.Вазиринг таъкидлашича, январь ойи охирида кутилаётган аномал совуқ ҳаводан ўтиб олиш учун энергия тизимида барча имкониятлар мавжуд.Алишер Султонов, энергетика вазири
«Ушбу ҳафтанинг охирига келиб, Ўзбекистонда совуқ об-ҳавонинг янги тўлқини нолдан паст ҳароратгача тушиши кутилмоқда. Биз вазиятдан яхши хабардормиз, муаммоларни енгиллаштириш, уй-жойлар ва иш жойларининг барқарор энергия ва газ билан таъминлашга эришиш учун барча чора-тадбирларни амалга оширяпмиз», – деди у.
«Ҳудудий электр тармоқлари» АЖ бошқаруви раисининг биринчи ўринбосари Жаҳонгир Обиджоновнинг маълум қилишича, 2021 йилнинг 18 кунида Республика бўйича истеъмолчиларга 3,0 млрд кВт соат, шундан аҳолига 1,1 млрд кВт соат ва улгуржи истеъмолчиларга 1,9 млрд кВт соат миқдорида электр энергияси етказиб берилди.«Тармоқларда содир бўладиган авариявий ўчишларни тезкор бартараф этиш мақсадида ҳудудларда жами 481 та тезкор авариявий чиқиш бригадалари тузилди, уларга 378 та махсус авариявий чиқиш машиналари ва махсус техникалар ажратилди. Ҳудудий корхоналарда 395 дона тармоқ трансформаторлар, 191,8 тонна трансформатор мойи, 947 дона таянчлар, 53,9 тонна турли ўлчамдаги сим, 41,5 километр кабел маҳсулотлари ҳамда 638 дона кабел муфталаридан иборат захира яратилди», – деди Жаҳонгир Обиджонов.
Унинг қўшимча қилишича, 2021 йилда истеъмолчиларга 56,3 млрд кВт соат электр энергиясини етказиб бериш (ўсиш суръати 104,1%), шундан аҳолига 15,7 млрд кВт соат, иқтисодиёт тармоқларига 40,6 млрд кВт соат электр энергияси етказиб бериш режалаштирилган.
Мавзуга доир:
- Ўзбекистон газ-заправкалари суткасига яна 24 соатдан ишлай бошлади. Лекин бу хурсандчилик узоқ давом этмаслиги мумкин
- «Ҳамма қилинаётган ислоҳотларни … тиқдингиз!» – Дониёр Ғаниев Энергетика вазирлиги раҳбарияти истеъфога чиқиши кераклигини айтди
- «Салкам 30 минг аҳолига бир суткада атиги 4 соат электр энергия берилган». Қиймати 30 млрд сўм бўлган подстанцияга эҳтиёж сабаби маълум қилинди
Изоҳ (0)